10. Viññattisīlantikathāvaṇṇanā

[601-602] Idāni viññatti sīlantikathā nāma hoti. Tattha kāyaviññatti, kāyakammaṃ, vacīviññatti, vacīkammanti gahitattā "viññatti sīlan"ti yesaṃ laddhi seyyathāpi mahāsaṃghikānañceva samitiyānañca, te sandhāya viññattīti pucchā sakavādissa, paṭiññā itarassa. Atha naṃ yasmā sīlaṃ nāma virati, na rūpadhammo, tasmā tenatthena codetuṃ pāṇātipātā veramaṇītiādimāha. Abhivādanaṃ sīlantiādi yathārūpaṃ viññattiṃ so "sīlan"ti paññatti, taṃ uddharitvā dassetuṃ vuttaṃ.

Laddhi panassa chalena patiṭṭhitattā appatiṭṭhitāyevāti.

Viññattisīlantikathāvaṇṇanā niṭṭhitā.