11. Dakkhiṇāvisuddhikathāvaṇṇanā

[800-801] Idāni dakkhiṇāvisuddhikathā nāma hoti. Tattha "yadi paṭiggāhakato dakkhiṇā visujjheyya, mahapphalā bhaveyya. Dāyakena dānaṃ dinnaṃ, paṭiggāhakena vipāko nibbattitoti añño aññassa kārako bhaveyya, parakataṃ sukhadukkhaṃ āpajjeyya, añño kareyya, añño paṭisaṃvedeyya, tasmā dāyakatova dānaṃ visujjhati, no paṭiggāhakato, dāyakasseva cittavisuddhi vipākadāyikā

Āhuneyyātiādi "yadi paṭiggāhakato dānaṃ na visujjheyya, kimassa āhuneyyādibhāvo kareyyā"ti dassanatthaṃ vuttaṃ. Añño aññassa kārakoti yadi dāyakassa dānacetanā paṭiggāhakena katā bhaveyya, yuttarūpaṃ siyā. Tassa pana dānacetanā parisuddhā paṭiggāhakasaṅkhātaṃ vatthuṃ paṭicca mahāvipākaṭṭhena visujjhati, tasmā acodanā esā "paṭiggāhakato dānaṃ visujjhatī"ti.

Dakkhiṇāvisuddhikathāvaṇṇanā niṭṭhitā.