2. Upapattikathāvaṇṇanā

[388] Idāni upapattikathā nāma hoti. Tattha yesaṃ "opapātiko hoti tattha parinibbāyī"tiādīni vacanāni ayoniso gahetvā suddhāvāsesu upapanno saha upapattiyā arahā hotīti laddhi, "yesaṃ vā upahaccaparinibbāyī"ti padaṃ parivattetvā "upapajjaparinibbāyī"ti pariyāpuṇantānaṃ saha upapattiyā arahā

@4-4 cha.Ma. upapattiyā arahāti laddhi 5 Sī.,Ma. ayaṃ saddo na dissati Hotīti laddhi seyyathāpi etarahi uttarāpathakānaṃ, te sandhāya pucchā sakavādissa, paṭiññā itarassa, tattha yasmā upapatticittaṃ nāma lokiyaṃ, tena sotāpannādayopi na honti, pageva arahā, tasmā tassa imaṃ nayaṃ dassetuṃ saha upapattiyā sotāpannotiādi āraddhaṃ.