Taṃ kammaṃ paṭisaṃharitvāti aniyatāṇattikammaṃ sandhāya vuttaṃ. Tañhi "mā kho mayā āṇattaṃ akāsī"ti āṇattaṃ nivārentena paṭisaṃhaṭaṃ nāma hoti, paṭisaṃhaṭattāyeva cettha kukkuccaṃ paṭivinoditaṃ, vippaṭisāro paṭivinodito nāma hoti. Evaṃ santepi panettha purimāṇattiyāyeva niyatabhāvaṃ maññamāno paravādī "āmantā"ti paṭijānāti. Atha naṃ sakavādī tassa kammassa paṭisaṃhaṭabhāvaṃ sampaṭicchāpetvā attano laddhiṃ patiṭṭhapetvā hañcītiādimāha.

Ayampana laddhi ayoniso patiṭṭhitattā appatiṭṭhitāva hotīti.