7. Samāpannoassādetikathāvaṇṇanā

[671-673] Idāni samāpanno assādetikathā nāma hoti. Tattha "paṭhamaṃ jhānaṃ upasampajja viharati, so tadassādetī"tiādivacanaṃ nissāya "samāpanno assādeti, sā cassa jhānanikanti jhānārammaṇā hotī"ti yesaṃ laddhi seyyathāpi andhakānaṃ, te sandhāya samāpannoti pucchā sakavādissa, paṭiññā itarassa. Taṃ jhānaṃ tassa jhānassa ārammaṇanti pañhesu tasseva tadārammaṇataṃ apassanto suttavirodhabhayena paṭikkhipati, "tadassādetī"ti vacanamattena

So tadassādetīti suttaṃ jhānalābhino jhānā vuṭṭhāya jhānassādaṃ sādheti, na antosamāpattiyaṃyeva jhānanikantiyā jhānārammaṇataṃ, tasmā asādhakanti.

Samāpannoassādetikathāvaṇṇanā niṭṭhitā.