[782] Nāhaṃ bhikkhaveti suttaṃ idaṃ sandhāya vuttaṃ:- sañcetanikānaṃ kammānaṃ katānaṃ vipākaṃ appaṭisaṃveditvā avinditvā ananubhavitvā byantībhāvaṃ tesaṃ kammānaṃ parivaṭumaparicchinnabhāvaṃ na vadāmi, tañca kho diṭṭhadhammavedanīyānaṃ diṭṭheva dhamme, na tato paraṃ, upapajjavedanīyānaṃ anantaraṃ upapattiṃ upapajjitvāva, na tato paraṃ, aparāpariyavedanīyānaṃ kammānaṃ yadā vipākokāsaṃ labhanti, tathārūpe apare vā pariyāye. Evaṃ sabbathāpi saṃsārapavatte sati laddhavipākavāre kamme na vijjati so jagatippadeso, yatra ṭhito mucceyya pāpakammāti. Evaṃ sante yadetaṃ "aladdhavipākavārampi kammaṃ avassaṃ arahatā paṭisaṃveditabban"ti kappanāvasena "natthi arahato akālamaccū"ti laddhipatiṭṭhāpanaṃ kataṃ, taṃ dukkaṭamevāti.

Natthiarahatoakālamaccūtikathāvaṇṇanā niṭṭhitā.

@3 cha.Ma. aparāpare 4 cha.Ma. vijjateso