[268] Kiṃ pariyuṭṭhitoti kena pariyuṭṭhito anubaddho ajjhottharito vā hutvāti attho. Anusayapucchāyapi tikkhindriyamudindriyavaseneva paṭikkhepa- paṭijānanāni veditabbāni. Kalyāṇānusayoti vacanamattasāmaññena vā paṭijānāti. Rāgo upacayaṃ gacchatīti bhāvanāya pahīnaṃ sandhāyāha. Parato dosamohesupi eseva nayo. Sakkāyadiṭṭhādīnaṃ pana dassanena pahīnattā upacayaṃ na gacchati. Sesaṃ sabbattha uttānamevāti.

Suttasādhanaparihānivaṇṇanā niṭṭhitā.

Parihānikathā niṭṭhitā.