[๔๕๐] อตฺถิ อรหโต อสุจิสุกฺกวิสฏฺฐีติ ฯ อามนฺตา ฯ เกนฏฺเฐนาติ ฯ หนฺท หิ มารกายิกา เทวตา อรหโต อสุจิสุกฺกวิสฏฺฐึ อุปสํหรนฺตีติ ฯ

[๔๕๑] มารกายิกา เทวตา อรหโต อสุจิสุกฺกวิสฏฺฐึ อุปสํหรนฺตีติ ฯ อามนฺตา ฯ อตฺถิ มารกายิกานํ เทวตานํ อสุจิสุกฺกวิสฏฺฐีติ ฯ น เหวํ วตฺตพฺเพ ฯเปฯ

[๔๕๒] นตฺถิ มารกายิกานํ เทวตานํ อสุจิสุกฺกวิสฏฺฐีติ ฯ อามนฺตา ฯ หญฺจิ นตฺถิ มารกายิกานํ เทวตานํ อสุจิสุกฺกวิสฏฺฐิ โน วต เร วตฺตพฺเพ มารกายิกา เทวตา อรหโต อสุจิสุกฺกวิสฏฺฐึ อุปสํหรนฺตีติ ฯ

[๔๕๓] มารกายิกา เทวตา อรหโต อสุจิสุกฺกวิสฏฺฐึ อุปสํหรนฺตีติ ฯ อามนฺตา ฯ มารกายิกา เทวตา อตฺตโน อสุจิสุกฺกวิสฏฺฐึ อุปสํหรนฺติ อญฺเญสํ อสุจิสุกฺกวิสฏฺฐึ อุปสํหรนฺติ ตสฺส อสุจิสุกฺกวิสฏฺฐึ อุปสํหรนฺตีติ ฯ น เหวํ วตฺตพฺเพ ฯเปฯ