TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Viññatti sīlantikathā

[1428] Viññatti sīlanti . āmantā . pāṇātipātā veramaṇīti . na hevaṃ vattabbe .pe. adinnādānā veramaṇīti . Na hevaṃ vattabbe .pe. kāmesumicchācārā veramaṇīti . na hevaṃ Vattabbe .pe. musāvādā veramaṇīti . na hevaṃ vattabbe .pe. Surāmerayamajjapamādaṭṭhānā veramaṇīti . na hevaṃ vattabbe .pe. Abhivādanaṃ sīlaṃ paccuṭṭhānaṃ sīlaṃ añjalīkammaṃ sīlaṃ sāmīcikammaṃ sīlaṃ āsanābhihāro sīlaṃ seyyābhihāro sīlaṃ pādodakābhihāro sīlaṃ pādakathalikābhihāro sīlaṃ nhāne piṭṭhiparikammaṃ sīlanti . Āmantā . pāṇātipātā veramaṇīti . na hevaṃ vattabbe .pe. Surāmerayamajjapamādaṭṭhānā veramaṇīti. Na hevaṃ vattabbe .pe.