สัญญาเวทยิตกถา ที่ ๓
TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Tatiyasaññāvedayitakathā
[1625] Saññāvedayitanirodhaṃ samāpanno kālaṃ kareyyāti . Āmantā . atthi saññāvedayitanirodhaṃ samāpannassa māraṇantiyo phasso māraṇantiyā vedanā māraṇantiyā saññā māraṇantiyā Cetanā māraṇantiyaṃ cittanti . na hevaṃ vattabbaṃ .pe. natthi saññāvedayitanirodhaṃ samāpannassa māraṇantiyo phasso māraṇantiyā vedanā māraṇantiyā saññā māraṇantiyā cetanā māraṇantiyaṃ cittanti . āmantā . hañci natthi saññāvedayitanirodhaṃ samāpannassa māraṇantiyo phasso māraṇantiyā vedanā māraṇantiyā saññā māraṇantiyā cetanā māraṇantiyaṃ cittaṃ no vata re vattabbe saññāvedayitanirodhaṃ samāpanno kālaṃ kareyyāti.