TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Na vattabbaṃ saṅgho dakkhiṇaṃ paṭiggaṇhātītikathā

[1708] Na vattabbaṃ saṅgho dakkhiṇaṃ paṭiggaṇhātīti. Āmantā. Nanu saṅgho āhuneyyo pāhuneyyo dakkhiṇeyyo añjalīkaraṇīyo anuttaraṃ puññakkhettaṃ lokassāti . āmantā . hañci saṅgho āhuneyyo pāhuneyyo dakkhiṇeyyo añjalīkaraṇīyo anuttaraṃ puññakkhettaṃ lokassa tena vata re vattabbe saṅgho dakkhiṇaṃ paṭiggaṇhātīti.