TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Pariyāpannakathā

[1579] Rūparāgo rūpadhātuṃ anuseti rūpadhātupariyāpannoti . Āmantā . samāpattesiyo upapattesiyo diṭṭhadhammasukhavihāro samāpattesiyena cittena upapattesiyena cittena diṭṭhadhammasukhavihārena cittena sahagato sahajāto saṃsaṭṭho sampayutto ekuppādo ekanirodho ekavatthuko ekārammaṇoti . na hevaṃ vattabbe .pe. Nanu na samāpattesiyo na upapattesiyo na diṭṭhadhammasukhavihāro na samāpattesiyena cittena na upapattesiyena cittena na diṭṭhadhammasukhavihārena cittena sahagato sahajāto saṃsaṭṭho sampayutto ekuppādo ekanirodho ekavatthuko ekārammaṇoti . Āmantā . hañci na samāpattesiyo na upapattesiyo na diṭṭhadhammasukhavihāro .pe. ekārammaṇo no vata re vattabbe rūparāgo rūpadhātuṃ anuseti rūpadhātupariyāpannoti .pe.