TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Sukhānuppadānakathā

[1654] Paro parassa sukhaṃ anuppadetīti . āmantā . paro parassa dukkhaṃ anuppadetīti . na hevaṃ vattabbe .pe. paro parassa dukkhaṃ na anuppadetīti . āmantā . paro parassa sukhaṃ Na anuppadetīti . na hevaṃ vattabbe .pe. paro parassa sukhaṃ anuppadetīti . āmantā . paro parassa attano sukhaṃ anuppadeti aññesaṃ sukhaṃ anuppadeti tassa sukhaṃ anuppadetīti . na hevaṃ vattabbe .pe. paro parassa neva attano na aññesaṃ na tassa sukhaṃ anuppadetīti . āmantā . hañci paro parassa neva attano na aññesaṃ na tassa sukhaṃ anuppadeti no vata re vattabbe paro parassa sukhaṃ anuppadetīti.