TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Asekkhañāṇakathā

[1030] Sekkhassa asekkhaṃ ñāṇaṃ atthīti . āmantā . Sekkho asekkhaṃ dhammaṃ jānāti passati diṭṭhaṃ viditaṃ sacchikataṃ upasampajja viharati kāyena phusitvā viharatīti . na hevaṃ vattabbe .pe. nanu sekkho asekkhaṃ dhammaṃ na jānāti na passati adiṭṭhaṃ aviditaṃ asacchikataṃ na upasampajja viharati na kāyena phusitvā viharatīti . āmantā . hañci sekkho asekkhaṃ dhammaṃ na jānāti na passati adiṭṭhaṃ aviditaṃ asacchikataṃ na upasampajja viharati na kāyena phusitvā viharati no vata re vattabbe sekkhassa asekkhaṃ ñāṇaṃ atthīti.