TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Saṅgahitakathā

[1127] Natthi keci dhammā kehici dhammehi saṅgahitāti . Āmantā . nanu atthi keci dhammā kehici dhammehi gaṇanaṃ gacchanti uddesaṃ gacchanti pariyāpannāti . āmantā . hañci atthi keci dhammā kehici dhammehi gaṇanaṃ gacchanti uddesaṃ gacchanti pariyāpannā no vata re vattabbe natthi keci dhammā kehici dhammehi saṅgahitāti.