TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Cetasikakathā

[1136] Natthi cetasiko dhammoti . āmantā . nanu atthi keci dhammā cittena sahagatā sahajātā saṃsaṭṭhā sampayuttā ekuppādā ekanirodhā ekavatthukā ekārammaṇāti . āmantā . Hañci atthi keci dhammā cittena sahagatā sahajātā saṃsaṭṭhā Sampayuttā ekuppādā ekanirodhā ekavatthukā ekārammaṇā no vata re vattabbe natthi cetasiko dhammoti.