TIPITAKA Volume 37 : PALI ROMAN Abhidhamma Pitaka Vol 4 : Abhi. Kathāvatthu Arūpadhātukathā

[1219] Arūpino dhammā arūpadhātūti . āmantā . vedanā bhavo gati sattāvāso saṃsāro yoni viññāṇaṭṭhiti attabhāva- paṭilābhoti . na hevaṃ vattabbe .pe. atthi vedanūpagaṃ kammanti. Na hevaṃ vattabbe .pe. atthi vedanūpagā sattāti . na hevaṃ vattabbe .pe. vedanāya sattā jāyanti jiyyanti miyyanti cavanti upapajjantīti . na hevaṃ vattabbe .pe. vedanāya atthi vedanā saññā saṅkhārā viññāṇanti . na hevaṃ vattabbe .pe. Vedanā catuvokārabhavoti. Na hevaṃ vattabbe .pe.