ปณฺณตฺติอุทฺเทสวารวณฺณนา นิฏฺฐิตา.

๑. ปณฺณตฺตินิทฺเทสวารวณฺณนา

[๑๐-๑๗] นิทฺเทสวาเร ปนสฺส เหฏฺฐา ขนฺธยมกสฺส ปณฺณตฺติวารนิทฺเทเส วุตฺตนเยเนว อตฺโถ คเหตพฺโพ ๑- อญฺญตฺร วิเสสา. ตตฺรายํ วิเสโส:- ทิพฺพจกฺขูติ ทุติยวิชฺชาญาณํ. ปญฺญาจกฺขูติ ตติยวิชฺชาญาณํ. ทิพฺพโสตนฺติ ทุติยอภิญฺญาญาณํ. ตณฺหาโสตนฺติ ตณฺหาว. อวเสโส กาโยติ นามกาโย รูปกาโย หตฺถิกาโย อสฺสกาโยติ เอวมาทิ. อวเสสํ รูปนฺติ รูปายตนโต เสสํ ภูตุปาทารูปญฺเจว ปิยรูปสาตรูปญฺจ. สีลคนฺโธติอาทีนิ วายนฏฺเฐน สีลาทีนํเยว นามานิ. อตฺถรโสติ- อาทีนิปิ สาทุมธุรฏฺเฐน อตฺถาทีนญฺเญว นามานิ. อวเสโส ธมฺโมติ ปริยตฺติธมฺมาทิ- อเนกปฺปเภโทติ อยเมตฺถ วิเสโส.

ปณฺณตฺตินิทฺเทสวารวณฺณนา นิฏฺฐิตา.