[๑๖๕-๑๗๐] ปริญฺญาวาเร ปน ญาตปริญฺญา ตีรณปริญฺญา ปหาน- ปริญฺญาติ ติสฺโสเปตฺถ ปริญฺญาโย ลพฺภนฺติ. ยสฺมา จ โลกุตฺตรธมฺเมสุ ปริญฺญา นาม นตฺถิ, ตสฺมา อิธ เทฺว สจฺจานิ คหิตานิ. ตตฺถ ทุกฺขสจฺจํ ปริชานาตีติ ญาตตีรณปริญฺญาวเสน วุตฺตํ. สมุทยสจฺจํ ปชหตีติ ญาตปหานปริญฺญาวเสน. อิติ อิมาสํ ปริญฺญานํ วเสน สพฺพปฺปเทสุ อตฺโถ เวทิตพฺโพติ.

ปริญฺญาวารวณฺณนา นิฏฺฐิตา.

สจฺจยมกวณฺณนา สมตฺตา.