อนุสยวารวณฺณนา นิฏฺฐิตา.

๒. สานุสยวารวณฺณนา

[๖๖-๑๓๑] สานุสยวาเร ปน โย กามราคานุสเยน สานุสโยติ ยถา เอกนฺตริกชราทิโรเคน อาพาธิโก ยาว ตมฺหา โรคา น มุจฺจติ, ตาว ตสฺส โรคสฺส อนุปฺปตฺติกฺขเณปิ สโรโคเยว นาม โหติ, เอวํ สสงฺกิเลสสฺส วฏฺฏคามิ- สตฺตสฺส ยาว อริยมคฺเคน อนุสยา สมุคฺฆาตํ น คจฺฉนฺติ, ตาว เตสํ อนุสยานํ อนุปฺปตฺติกฺขเณปิ สานุสโยเยว นาม โหติ. เอวรูปํ สานุสยตํ สนฺธาย อามนฺตาติ วุตฺตํ. เสสเมตฺถ อนุสยวารสทิสเมว.