โอกาสวาเร ปน "รูปธาตุยา อรูปธาตุยา เอตฺถ มานานุสเยน สานุสโย"ติ วุตฺเต ตาสุ ธาตูสุ ปุคฺคลสฺส สานุสยตา ปญฺญาเยยฺย, อนุสยสฺส อุปฺปตฺติฏฺฐานํ น ปญฺญาเยยฺย, อนุสยสฺส จ อุปฺปตฺติฏฺฐานทสฺสนตฺถํ อยํ วาโร อารทฺโธ, ตสฺมา ตโต มานานุสเยน สานุสโยติ วุตฺตํ. เอวญฺหิ สติ ตโต ธาตุทฺวยโต อุปฺปนฺเนน มานานุสเยน สานุสโยติ อนุสยสฺส อุปฺปตฺติฏฺฐานํ ทสฺสิตํ โหติ. อิมสฺส ปน ปญฺหสฺส อตฺเถ อวุตฺเต อาทิปญฺหสฺส อตฺโถ ปากโฏ น โหตีติ ปฐมํ น วุตฺโต, ตสฺมา โส เอวํ เวทิตพฺโพ. ยโต กามราคานุสเยนาติ ยโต อุปฺปนฺเนน กามราคานุสเยน สานุสโย, กึ โส ตโต อุปฺปนฺเนน ปฏิฆานุสเยนปิ สานุสโยติ. ยสฺมา ปเนเต เทฺว เอกมฺหา ฐานา น อุปฺปชฺชนฺติ, ตสฺมา "โน"ติ ปฏิเสโธ กโต. อรหา สพฺพตฺถาติ อรหา สพฺเพสุ ธมฺเมสุ อุปฺปชฺชนเกน เยน เกนจิ ๑-

สานุสยวารวณฺณนา นิฏฺฐิตา.

๓. ปชหนวารวณฺณนา