[๑๔๙๖] ยสฺส กามราคานุสโย ปหีโน ตสฺส ปฏิฆานุสโย ปหีโนติ: อามนฺตา ฯ ยสฺส วา ปน ปฏิฆานุสโย ปหีโน ตสฺส กามราคานุสโย ปหีโนติ: อามนฺตา ฯ ยสฺส กามราคานุสโย ปหีโน ตสฺส มานานุสโย ปหีโนติ: อนาคามิสฺส กามราคานุสโย ปหีโน โน จ ตสฺส มานานุสโย ปหีโน อรหโต กามราคานุสโย จ ปหีโน มานานุสโย จ ปหีโน ฯ ยสฺส วา ปน มานานุสโย ปหีโน ตสฺส กามราคานุสโย ปหีโนติ: อามนฺตา ฯ ยสฺส กามราคานุสโย ปหีโน ตสฺส ทิฏฺฐานุสโย ฯเปฯ วิจิกิจฺฉานุสโย ปหีโนติ: อามนฺตา ฯ ยสฺส วา ปน วิจิกิจฺฉานุสโย ปหีโน ตสฺส กามราคานุสโย ปหีโนติ: ทฺวินฺนํ ปุคฺคลานํ วิจิกิจฺฉานุสโย ปหีโน โน จ เตสํ กามราคานุสโย ปหีโน ทฺวินฺนํ ปุคฺคลานํ วิจิกิจฺฉานุสโย จ ปหีโน กามราคานุสโย จ ปหีโน ฯ ยสฺส กามราคานุสโย ปหีโน ตสฺส ภวราคานุสโย ฯเปฯ อวิชฺชานุสโย ปหีโนติ: อนาคามิสฺส กามราคานุสโย ปหีโน โน จ ตสฺส อวิชฺชานุสโย ปหีโน อรหโต กามราคานุสโย จ ปหีโน อวิชฺชานุสโย จ ปหีโน ฯ ยสฺส วา ปน อวิชฺชานุสโย ปหีโน ตสฺส กามราคานุสโย ปหีโนติ: อามนฺตา ฯ

[๑๔๙๗] ยสฺส ปฏิฆานุสโย ปหีโน ตสฺส มานานุสโย ปหีโนติ: อนาคามิสฺส ปฏิฆานุสโย ปหีโน โน จ ตสฺส มานานุสโย ปหีโน อรหโต ปฏิฆานุสโย จ ปหีโน มานานุสโย จ ปหีโน ฯ ยสฺส วา ปน มานานุสโย ปหีโน ตสฺส ปฏิฆานุสโย ปหีโนติ: อามนฺตา ฯ ยสฺส ปฏิฆานุสโย ปหีโน ตสฺส ทิฏฺฐานุสโย ฯเปฯ วิจิกิจฺฉานุสโย ปหีโนติ: อามนฺตา ฯ ยสฺส วา ปน วิจิกิจฺฉานุสโย ปหีโน ตสฺส ปฏิฆานุสโย ปหีโนติ: ทฺวินฺนํ ปุคฺคลานํ วิจิกิจฺฉานุสโย ปหีโน โน จ เตสํ ปฏิฆานุสโย ปหีโน ทฺวินฺนํ ปุคฺคลานํ วิจิกิจฺฉานุสโย จ ปหีโน ปฏิฆานุสโย จ ปหีโน ฯ ยสฺส ปฏิฆานุสโย ปหีโน ตสฺส ภวราคานุสโย ฯเปฯ อวิชฺชานุสโย ปหีโนติ: อนาคามิสฺส ปฏิฆานุสโย ปหีโน โน จ ตสฺส อวิชฺชานุสโย ปหีโน อรหโต ปฏิฆานุสโย จ ปหีโน อวิชฺชานุสโย จ ปหีโน ฯ ยสฺส วา ปน อวิชฺชานุสโย ปหีโน ตสฺส ปฏิฆานุสโย ปหีโนติ: อามนฺตา ฯ