[๕๔๑] ยสฺส ฆานายตนํ น นิรุชฺฌติ ตสฺส ธมฺมายตนํ น นิรุชฺฌตีติ: อฆานกานํ จวนฺตานํ เตสํ ฆานายตนํ น นิรุชฺฌติ โน จ เตสํ ธมฺมายตนํ น นิรุชฺฌติ สพฺเพสํ อุปปชฺชนฺตานํ เตสํ ฆานายตนญฺจ น นิรุชฺฌติ ธมฺมายตนญฺจ น นิรุชฺฌติ ฯ ยสฺส วา ปน ธมฺมายตนํ น นิรุชฺฌติ ตสฺส ฆานายตนํ น นิรุชฺฌตีติ: อามนฺตา ฯ

[๕๔๒] ยสฺส รูปายตนํ น นิรุชฺฌติ ตสฺส มนายตนํ น นิรุชฺฌตีติ: อรูปกานํ จวนฺตานํ เตสํ รูปายตนํ น นิรุชฺฌติ โน จ เตสํ มนายตนํ น นิรุชฺฌติ สพฺเพสํ อุปปชฺชนฺตานํ เตสํ รูปายตนญฺจ น นิรุชฺฌติ มนายตนญฺจ น นิรุชฺฌติ ฯ ยสฺส วา ปน มนายตนํ น นิรุชฺฌติ ตสฺส รูปายตนํ น นิรุชฺฌตีติ: อจิตฺตกานํ จวนฺตานํ เตสํ มนายตนํ น นิรุชฺฌติ โน จ เตสํ รูปายตนํ น นิรุชฺฌติ สพฺเพสํ อุปปชฺชนฺตานํ เตสํ มนายตนญฺจ น นิรุชฺฌติ รูปายตนญฺจ น นิรุชฺฌติ ฯ

[๕๔๓] ยสฺส รูปายตนํ น นิรุชฺฌติ ตสฺส ธมฺมายตนํ น นิรุชฺฌตีติ: อรูปกานํ จวนฺตานํ เตสํ รูปายตนํ น นิรุชฺฌติ โน จ เตสํ ธมฺมายตนํ น นิรุชฺฌติ สพฺเพสํ อุปปชฺชนฺตานํ เตสํ รูปายตนญฺจ น นิรุชฺฌติ ธมฺมายตนญฺจ น นิรุชฺฌติ ฯ ยสฺส วา ปน ธมฺมายตนํ น นิรุชฺฌติ ตสฺส รูปายตนํ น นิรุชฺฌตีติ: อามนฺตา ฯ

[๕๔๔] ยสฺส มนายตนํ น นิรุชฺฌติ ตสฺส ธมฺมายตนํ น นิรุชฺฌตีติ: อจิตฺตกานํ เตสํ จวนฺตานํ มนายตนํ น นิรุชฺฌติ โน จ เตสํ ธมฺมายตนํ น นิรุชฺฌติ สพฺเพสํ อุปปชฺชนฺตานํ เตสํ มนายตนญฺจ น นิรุชฺฌติ ธมฺมายตนญฺจ น นิรุชฺฌติ ฯ ยสฺส วา ปน ธมฺมายตนํ น นิรุชฺฌติ ตสฺส มนายตนํ น นิรุชฺฌตีติ: อามนฺตา ฯ