[๑๒๕๗] ยสฺส มานานุสโย นานุเสติ ตสฺส ทิฏฺฐานุสโย ฯเปฯ วิจิกิจฺฉานุสโย นานุเสตีติ: อามนฺตา ฯ ยสฺส วา ปน วิจิกิจฺฉานุสโย นานุเสติ ตสฺส มานานุสโย นานุเสตีติ: ติณฺณํ ปุคฺคลานํ วิจิกิจฺฉานุสโย นานุเสติ โน จ เตสํ มานานุสโย นานุเสติ อรหโต วิจิกิจฺฉานุสโย จ นานุเสติ มานานุสโย จ นานุเสติ ฯ ยสฺส มานานุสโย นานุเสติ ตสฺส ภวราคานุสโย ฯเปฯ อวิชฺชานุสโย นานุเสตีติ: อามนฺตา ฯ ยสฺส วา ปน อวิชฺชานุสโย นานุเสติ ตสฺส มานานุสโย นานุเสตีติ: อามนฺตา ฯ

[๑๒๕๘] ยสฺส ทิฏฺฐานุสโย นานุเสติ ตสฺส วิจิกิจฺฉานุสโย นานุเสตีติ: อามนฺตา ฯ ยสฺส วา ปน วิจิกิจฺฉานุสโย นานุเสติ ตสฺส ทิฏฺฐานุสโย นานุเสตีติ: อามนฺตา ฯเปฯ

[๑๒๕๙] ยสฺส วิจิกิจฺฉานุสโย นานุเสติ ตสฺส ภวราคานุสโย ฯเปฯ อวิชฺชานุสโย นานุเสตีติ: ติณฺณํ ปุคฺคลานํ วิจิกิจฺฉานุสโย นานุเสติ โน จ เตสํ อวิชฺชานุสโย นานุเสติ อรหโต วิจิกิจฺฉานุสโย จ นานุเสติ อวิชฺชานุสโย จ นานุเสติ ฯ ยสฺส วา ปน อวิชฺชานุสโย นานุเสติ ตสฺส วิจิกิจฺฉานุสโย นานุเสตีติ: อามนฺตา ฯ

[๑๒๖๐] ยสฺส ภวราคานุสโย นานุเสติ ตสฺส อวิชฺชานุสโย นานุเสตีติ: อามนฺตา ฯ ยสฺส วา ปน อวิชฺชานุสโย นานุเสติ ตสฺส ภวราคานุสโย นานุเสตีติ: อามนฺตา ฯ