[๑๒๖๑] ยสฺส กามราคานุสโย จ ปฏิฆานุสโย จ นานุเสนฺติ ตสฺส มานานุสโย นานุเสตีติ: อนาคามิสฺส กามราคานุสโย จ ปฏิฆานุสโย จ นานุเสนฺติ โน จ ตสฺส มานานุสโย นานุเสติ อรหโต กามราคานุสโย จ ปฏิฆานุสโย จ นานุเสนฺติ มานานุสโย จ นานุเสติ ฯ ยสฺส วา ปน มานานุสโย นานุเสติ ตสฺส กามราคานุสโย จ ปฏิฆานุสโย จ นานุเสนฺตีติ: อามนฺตา ฯ ยสฺส กามราคานุสโย จ ปฏิฆานุสโย จ นานุเสนฺติ ตสฺส ทิฏฺฐานุสโย ฯเปฯ วิจิกิจฺฉานุสโย นานุเสตีติ: อามนฺตา ฯ ยสฺส วา ปน วิจิกิจฺฉานุสโย นานุเสติ ตสฺส กามราคานุสโย จ ปฏิฆานุสโย จ นานุเสนฺตีติ: ทฺวินฺนํ ปุคฺคลานํ วิจิกิจฺฉานุสโย นานุเสติ โน จ เตสํ กามราคานุสโย จ ปฏิฆานุสโย จ นานุเสนฺติ ทฺวินฺนํ ปุคฺคลานํ วิจิกิจฺฉานุสโย จ นานุเสติ กามราคานุสโย จ ปฏิฆานุสโย จ นานุเสนฺติ ฯ ยสฺส กามราคานุสโย จ ปฏิฆานุสโย จ นานุเสนฺติ ตสฺส ภวราคานุสโย ฯเปฯ อวิชฺชานุสโย นานุเสตีติ: อนาคามิสฺส กามราคานุสโย จ ปฏิฆานุสโย จ นานุเสนฺติ โน จ ตสฺส อวิชฺชานุสโย นานุเสติ อรหโต กามราคานุสโย จ ปฏิฆานุสโย จ นานุเสนฺติ อวิชฺชานุสโย จ นานุเสติ ฯ ยสฺส วา ปน อวิชฺชานุสโย นานุเสติ ตสฺส กามราคานุสโย จ ปฏิฆานุสโย จ นานุเสนฺตีติ: อามนฺตา ฯ

[๑๒๖๒] ยสฺส กามราคานุสโย จ ปฏิฆานุสโย จ มานานุสโย จ นานุเสนฺติ ตสฺส ทิฏฺฐานุสโย ฯเปฯ วิจิกิจฺฉานุสโย นานุเสตีติ: อามนฺตา ฯ ยสฺส วา ปน วิจิกิจฺฉานุสโย นานุเสติ ตสฺส กามราคานุสโย จ ปฏิฆานุสโย จ มานานุสโย จ นานุเสนฺตีติ: ทฺวินฺนํ ปุคฺคลานํ วิจิกิจฺฉานุสโย นานุเสติ โน จ เตสํ กามราคานุสโย จ ปฏิฆานุสโย จ มานานุสโย จ นานุเสนฺติ อนาคามิสฺส วิจิกิจฺฉานุสโย จ กามราคานุสโย จ ปฏิฆานุสโย จ นานุเสนฺติ โน จ ตสฺส มานานุสโย นานุเสติ อรหโต วิจิกิจฺฉานุสโย จ นานุเสติ กามราคานุสโย จ ปฏิฆานุสโย จ มานานุสโย จ นานุเสนฺติ ฯ ยสฺส กามราคานุสโย จ ปฏิฆานุสโย จ มานานุสโย จ นานุเสนฺติ ตสฺส ภวราคานุสโย ฯเปฯ อวิชฺชานุสโย นานุเสตีติ: อามนฺตา ฯ ยสฺส วา ปน อวิชฺชานุสโย นานุเสติ ตสฺส กามราคานุสโย จ ปฏิฆานุสโย จ มานานุสโย จ นานุเสนฺตีติ: อามนฺตา ฯ