[๑๒๖๓] ยสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ นานุเสนฺติ ตสฺส วิจิกิจฺฉานุสโย นานุเสตีติ: อามนฺตา ฯ ยสฺส วา ปน วิจิกิจฺฉานุสโย นานุเสติ ตสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ นานุเสนฺตีติ: ทฺวินฺนํ ปุคฺคลานํ วิจิกิจฺฉานุสโย จ ทิฏฺฐานุสโย จ นานุเสนฺติ โน จ เตสํ กามราคานุสโย จ ปฏิฆานุสโย จ มานานุสโย จ นานุเสนฺติ อนาคามิสฺส วิจิกิจฺฉานุสโย จ กามราคานุสโย จ ปฏิฆานุสโย จ ทิฏฺฐานุสโย จ นานุเสนฺติ โน จ ตสฺส มานานุสโย นานุเสติ อรหโต วิจิกิจฺฉานุสโย จ นานุเสติ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ นานุเสนฺติ ฯเปฯ

[๑๒๖๔] ยสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ ตสฺส ภวราคานุสโย ฯเปฯ อวิชฺชานุสโย นานุเสตีติ: อามนฺตา ฯ ยสฺส วา ปน อวิชฺชานุสโย นานุเสติ ตสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺตีติ: อามนฺตา ฯ

[๑๒๖๕] ยสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺติ ตสฺส อวิชฺชานุสโย นานุเสตีติ: อามนฺตา ฯ ยสฺส วา ปน อวิชฺชานุสโย นานุเสติ ตสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺตีติ: อามนฺตา ฯ

[๑๒๖๖] ยตฺถ กามราคานุสโย นานุเสติ ตตฺถ ปฏิฆานุสโย นานุเสตีติ: ทุกฺขาย เวทนาย เอตฺถ กามราคานุสโย นานุเสติ โน จ ตตฺถ ปฏิฆานุสโย นานุเสติ รูปธาตุยา อรูปธาตุยา อปริยาปนฺเน เอตฺถ กามราคานุสโย จ นานุเสติ ปฏิฆานุสโย จ นานุเสติ ฯ ยตฺถ วา ปน ปฏิฆานุสโย นานุเสติ ตตฺถ กามราคานุสโย นานุเสตีติ: กามธาตุยา ทฺวีสุ เวทนาสุ เอตฺถ ปฏิฆานุสโย นานุเสติ โน จ ตตฺถ กามราคานุสโย นานุเสติ รูปธาตุยา อรูปธาตุยา อปริยาปนฺเน เอตฺถ ปฏิฆานุสโย จ นานุเสติ กามราคานุสโย จ นานุเสติ ฯ ยตฺถ กามราคานุสโย นานุเสติ ตตฺถ มานานุสโย นานุเสตีติ: รูปธาตุยา อรูปธาตุยา เอตฺถ กามราคานุสโย นานุเสติ โน จ ตตฺถ มานานุสโย นานุเสติ ทุกฺขาย เวทนาย อปริยาปนฺเน เอตฺถ กามราคานุสโย จ นานุเสติ มานานุสโย จ นานุเสติ ฯ ยตฺถ วา ปน มานานุสโย นานุเสติ ตตฺถ กามราคานุสโย นานุเสตีติ: อามนฺตา ฯ ยตฺถ กามราคานุสโย นานุเสติ ตตฺถ ทิฏฺฐานุสโย ฯเปฯ วิจิกิจฺฉานุสโย นานุเสตีติ: ทุกฺขาย เวทนาย รูปธาตุยา อรูปธาตุยา เอตฺถ กามราคานุสโย นานุเสติ โน จ ตตฺถ วิจิกิจฺฉานุสโย นานุเสติ อปริยาปนฺเน เอตฺถ กามราคานุสโย จ นานุเสติ วิจิกิจฺฉานุสโย จ นานุเสติ ฯ ยตฺถ วา ปน วิจิกิจฺฉานุสโย นานุเสติ ตตฺถ กามราคานุสโย นานุเสตีติ: อามนฺตา ฯ ยตฺถ กามราคานุสโย นานุเสติ ตตฺถ ภวราคานุสโย นานุเสตีติ: รูปธาตุยา อรูปธาตุยา เอตฺถ กามราคานุสโย นานุเสติ โน จ ตตฺถ ภวราคานุสโย นานุเสติ ทุกฺขาย เวทนาย อปริยาปนฺเน เอตฺถ กามราคานุสโย จ นานุเสติ ภวราคานุสโย จ นานุเสติ ฯ ยตฺถ วา ปน ภวราคานุสโย นานุเสติ ตตฺถ กามราคานุสโย นานุเสตีติ: กามธาตุยา ทฺวีสุ เวทนาสุ เอตฺถ ภวราคานุสโย นานุเสติ โน จ ตตฺถ กามราคานุสโย นานุเสติ ทุกฺขาย เวทนาย อปริยาปนฺเน เอตฺถ ภวราคานุสโย จ นานุเสติ กามราคานุสโย จ นานุเสติ ฯ ยตฺถ กามราคานุสโย นานุเสติ ตตฺถ อวิชฺชานุสโย นานุเสตีติ: ทุกฺขาย เวทนาย รูปธาตุยา อรูปธาตุยา เอตฺถ กามราคานุสโย นานุเสติ โน จ ตตฺถ อวิชฺชานุสโย นานุเสติ อปริยาปนฺเน เอตฺถ กามราคานุสโย จ นานุเสติ อวิชฺชานุสโย จ นานุเสติ ฯ ยตฺถ วา ปน อวิชฺชานุสโย นานุเสติ ตตฺถ กามราคานุสโย นานุเสตีติ: อามนฺตา ฯ