[๑๒๖๗] ยตฺถ ปฏิฆานุสโย นานุเสติ ตตฺถ มานานุสโย นานุเสตีติ: กามธาตุยา ทฺวีสุ เวทนาสุ รูปธาตุยา อรูปธาตุยา เอตฺถ ปฏิฆานุสโย นานุเสติ โน จ ตตฺถ มานานุสโย นานุเสติ อปริยาปนฺเน เอตฺถ ปฏิฆานุสโย จ นานุเสติ มานานุสโย จ นานุเสติ ฯ ยตฺถ วา ปน มานานุสโย นานุเสติ ตตฺถ ปฏิฆานุสโย นานุเสตีติ: ทุกฺขาย เวทนาย เอตฺถ มานานุสโย นานุเสติ โน จ ตตฺถ ปฏิฆานุสโย นานุเสติ อปริยาปนฺเน เอตฺถ มานานุสโย จ นานุเสติ ปฏิฆานุสโย จ นานุเสติ ฯ ยตฺถ ปฏิฆานุสโย นานุเสติ ตตฺถ ทิฏฺฐานุสโย ฯเปฯ วิจิกิจฺฉานุสโย นานุเสตีติ: กามธาตุยา ทฺวีสุ เวทนาสุ รูปธาตุยา อรูปธาตุยา เอตฺถ ปฏิฆานุสโย นานุเสติ โน จ ตตฺถ วิจิกิจฺฉานุสโย นานุเสติ อปริยาปนฺเน เอตฺถ ปฏิฆานุสโย จ นานุเสติ วิจิกิจฺฉานุสโย จ นานุเสติ ฯ ยตฺถ วา ปน วิจิกิจฺฉานุสโย นานุเสติ ตตฺถ ปฏิฆานุสโย นานุเสตีติ: อามนฺตา ฯ ยตฺถ ปฏิฆานุสโย นานุเสติ ตตฺถ ภวราคานุสโย นานุเสตีติ: รูปธาตุยา อรูปธาตุยา เอตฺถ ปฏิฆานุสโย นานุเสติ โน จ ตตฺถ ภวราคานุสโย นานุเสติ กามธาตุยา ทฺวีสุ เวทนาสุ อปริยาปนฺเน เอตฺถ ปฏิฆานุสโย จ นานุเสติ ภวราคานุสโย จ นานุเสติ ฯ ยตฺถ วา ปน ภวราคานุสโย นานุเสติ ตตฺถ ปฏิฆานุสโย นานุเสตีติ: ทุกฺขาย เวทนาย เอตฺถ ภวราคานุสโย นานุเสติ โน จ ตตฺถ ปฏิฆานุสโย นานุเสติ กามธาตุยา ทฺวีสุ เวทนาสุ อปริยาปนฺเน เอตฺถ ภวราคานุสโย จ นานุเสติ ปฏิฆานุสโย จ นานุเสติ ฯ ยตฺถ ปฏิฆานุสโย นานุเสติ ตตฺถ อวิชฺชานุสโย นานุเสตีติ: กามธาตุยา ทฺวีสุ เวทนาสุ รูปธาตุยา อรูปธาตุยา เอตฺถ ปฏิฆานุสโย นานุเสติ โน จ ตตฺถ อวิชฺชานุสโย นานุเสติ อปริยาปนฺเน เอตฺถ ปฏิฆานุสโย จ นานุเสติ อวิชฺชานุสโย จ นานุเสติ ฯ ยตฺถ วา ปน อวิชฺชานุสโย นานุเสติ ตตฺถ ปฏิฆานุสโย นานุเสตีติ: อามนฺตา ฯ

[๑๒๖๘] ยตฺถ มานานุสโย นานุเสติ ตตฺถ ทิฏฺฐานุสโย ฯเปฯ วิจิกิจฺฉานุสโย นานุเสตีติ: ทุกฺขาย เวทนาย เอตฺถ มานานุสโย นานุเสติ โน จ ตตฺถ วิจิกิจฺฉานุสโย นานุเสติ อปริยาปนฺเน เอตฺถ มานานุสโย จ นานุเสติ วิจิกิจฺฉานุสโย จ นานุเสติ ฯ ยตฺถ วา ปน วิจิกิจฺฉานุสโย นานุเสติ ตตฺถ มานานุสโย นานุเสตีติ: อามนฺตา ฯ ยตฺถ มานานุสโย นานุเสติ ตตฺถ ภวราคานุสโย นานุเสตีติ: อามนฺตา ฯ ยตฺถ วา ปน ภวราคานุสโย นานุเสติ ตตฺถ มานานุสโย นานุเสตีติ: กามธาตุยา ทฺวีสุ เวทนาสุ เอตฺถ ภวราคานุสโย นานุเสติ โน จ ตตฺถ มานานุสโย นานุเสติ ทุกฺขาย เวทนาย อปริยาปนฺเน เอตฺถ ภวราคานุสโย จ นานุเสติ มานานุสโย จ นานุเสติ ฯ ยตฺถ มานานุสโย นานุเสติ ตตฺถ อวิชฺชานุสโย นานุเสตีติ: ทุกฺขาย เวทนาย เอตฺถ มานานุสโย นานุเสติ โน จ ตตฺถ อวิชฺชานุสโย นานุเสติ อปริยาปนฺเน เอตฺถ มานานุสโย จ นานุเสติ อวิชฺชานุสโย จ นานุเสติ ฯ ยตฺถ วา ปน อวิชฺชานุสโย นานุเสติ ตตฺถ มานานุสโย นานุเสตีติ: อามนฺตา ฯ