[๑๒๗๓] ยตฺถ กามราคานุสโย จ ปฏิฆานุสโย จ มานานุสโย จ นานุเสนฺติ ตตฺถ ทิฏฺฐานุสโย ฯเปฯ วิจิกิจฺฉานุสโย นานุเสตีติ: อามนฺตา ฯ ยตฺถ วา ปน วิจิกิจฺฉานุสโย นานุเสติ ตตฺถ กามราคานุสโย จ ปฏิฆานุสโย จ มานานุสโย จ นานุเสนฺตีติ: อามนฺตา ฯ ยตฺถ กามราคานุสโย จ ปฏิฆานุสโย จ มานานุสโย จ นานุเสนฺติ ตตฺถ ภวราคานุสโย นานุเสตีติ: อามนฺตา ฯ ยตฺถ วา ปน ภวราคานุสโย นานุเสติ ตตฺถ กามราคานุสโย จ ปฏิฆานุสโย จ มานานุสโย จ นานุเสนฺตีติ: ทุกฺขาย เวทนาย เอตฺถ ภวราคานุสโย จ กามราคานุสโย จ มานานุสโย จ นานุเสนฺติ โน จ ตตฺถ ปฏิฆานุสโย นานุเสติ กามธาตุยา ทฺวีสุ เวทนาสุ เอตฺถ ภวราคานุสโย จ ปฏิฆานุสโย จ นานุเสนฺติ โน จ ตตฺถ กามราคานุสโย จ มานานุสโย จ นานุเสนฺติ อปริยาปนฺเน เอตฺถ ภวราคานุสโย จ นานุเสนฺติ กามราคานุสโย จ ปฏิฆานุสโย จ มานานุสโย จ นานุเสนฺติ ฯ ยตฺถ กามราคานุสโย จ ปฏิฆานุสโย จ มานานุสโย จ นานุเสนฺติ ตตฺถ อวิชฺชานุสโย นานุเสตีติ: อามนฺตา ฯ ยตฺถ วา ปน อวิชฺชานุสโย นานุเสติ ตตฺถ กามราคานุสโย จ ปฏิฆานุสโย จ มานานุสโย จ นานุเสนฺตีติ: อามนฺตา ฯฑ

[๑๒๗๔] ยตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ นานุเสนฺติ ตตฺถ วิจิกิจฺฉานุสโย นานุเสตีติ: อามนฺตา ฯ ยตฺถ วา ปน วิจิกิจฺฉานุสโย นานุเสติ ตตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ นานุเสนฺตีติ: อามนฺตา ฯเปฯ

[๑๒๗๕] ยตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ ตตฺถ ภวราคานุสโย นานุเสตีติ: อามนฺตา ฯ ยตฺถ วา ปน ภวราคานุสโย นานุเสติ ตตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺตีติ: ทุกฺขาย เวทนาย เอตฺถ ภวราคานุสโย จ กามราคานุสโย จ มานานุสโย จ นานุเสนฺติ โน จ ตตฺถ ปฏิฆานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ กามธาตุยา ทฺวีสุ เวทนาสุ เอตฺถ ภวราคานุสโย จ ปฏิฆานุสโย จ นานุเสนฺติ โน จ ตตฺถ กามราคานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ อปริยาปนฺเน เอตฺถ ภวราคานุสโย จ นานุเสติ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ ฯเปฯ