[๑๒๗๖] ยตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺติ ตตฺถ อวิชฺชานุสโย นานุเสตีติ: อามนฺตา ฯ ยตฺถ วา ปน อวิชฺชานุสโย นานุเสติ ตตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺตีติ: อามนฺตา ฯ

[๑๒๗๗] ยสฺส ยตฺถ กามราคานุสโย นานุเสติ ตสฺส ตตฺถ ปฏิฆานุสโย นานุเสตีติ: ติณฺณํ ปุคฺคลานํ ทุกฺขาย เวทนาย เตสํ ตตฺถ กามราคานุสโย นานุเสติ โน จ เตสํ ตตฺถ ปฏิฆานุสโย นานุเสติ เตสํเยว ปุคฺคลานํ รูปธาตุยา อรูปธาตุยา อปริยาปนฺเน เตสํ ตตฺถ กามราคานุสโย จ นานุเสติ ปฏิฆานุสโย จ นานุเสติ ทฺวินฺนํ ปุคฺคลานํ สพฺพตฺถ กามราคานุสโย จ นานุเสติ ปฏิฆานุสโย จ นานุเสติ ฯ ยสฺส วา ปน ยตฺถ ปฏิฆานุสโย นานุเสติ ตสฺส ตตฺถ กามราคานุสโย นานุเสตีติ: ติณฺณํ ปุคฺคลานํ กามธาตุยา ทฺวีสุ เวทนาสุ เตสํ ตตฺถ ปฏิฆานุสโย นานุเสติ โน จ เตสํ ตตฺถ กามราคานุสโย นานุเสติ เตสํเยว ปุคฺคลานํ รูปธาตุยา อรูปธาตุยา อปริยาปนฺเน เตสํ ตตฺถ ปฏิฆานุสโย จ นานุเสติ กามราคานุสโย จ นานุเสติ ทฺวินฺนํ ปุคฺคลานํ สพฺพตฺถ ปฏิฆานุสโย จ นานุเสติ กามราคานุสโย จ นานุเสติ ฯ ยสฺส ยตฺถ กามราคานุสโย นานุเสติ ตสฺส ตตฺถ มานานุสโย นานุเสตีติ: ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ กามราคานุสโย นานุเสติ โน จ เตสํ ตตฺถ มานานุสโย นานุเสติ เตสํเยว ปุคฺคลานํ ทุกฺขาย เวทนาย อปริยาปนฺเน เตสํ ตตฺถ กามราคานุสโย จ นานุเสติ มานานุสโย จ นานุเสติ อนาคามิสฺส กามธาตุยา ทฺวีสุ เวทนาสุ รูปธาตุยา อรูปธาตุยา ตสฺส ตตฺถ กามราคานุสโย นานุเสติ โน จ ตสฺส ตตฺถ มานานุสโย นานุเสติ ตสฺเสว ปุคฺคลสฺส ทุกฺขาย เวทนาย อปริยาปนฺเน ตสฺส ตตฺถ กามราคานุสโย จ นานุเสติ มานานุสโย จ นานุเสติ อรหโต สพฺพตฺถ กามราคานุสโย จ นานุเสติ มานานุสโย จ นานุเสติ ฯ ยสฺส วา ปน ยตฺถ มานานุสโย นานุเสติ ตสฺส ตตฺถ กามราคานุสโย นานุเสตีติ: อามนฺตา ฯ ยสฺส ยตฺถ กามราคานุสโย นานุเสติ ตสฺส ตตฺถ ทิฏฺฐานุสโย ฯเปฯ วิจิกิจฺฉานุสโย นานุเสตีติ: ปุถุชฺชนสฺส ทุกฺขาย เวทนาย รูปธาตุยา อรูปธาตุยา ตสฺส ตตฺถ กามราคานุสโย นานุเสติ โน จ ตสฺส ตตฺถ วิจิกิจฺฉานุสโย นานุเสติ ตสฺเสว ปุคฺคลสฺส อปริยาปนฺเน ตสฺส ตตฺถ กามราคานุสโย จ นานุเสติ วิจิกิจฺฉานุสโย จ นานุเสติ ทฺวินฺนํ ปุคฺคลานํ สพฺพตฺถ กามราคานุสโย จ นานุเสติ วิจิกิจฺฉานุสโย จ นานุเสติ ฯ ยสฺส วา ปน ยตฺถ วิจิกิจฺฉานุสโย นานุเสติ ตสฺส ตตฺถ กามราคานุสโย นานุเสตีติ: ทฺวินฺนํ ปุคฺคลานํ กามธาตุยา ทฺวีสุ เวทนาสุ เตสํ ตตฺถ วิจิกิจฺฉานุสโย นานุเสติ โน จ เตสํ ตตฺถ กามราคานุสโย นานุเสติ เตสํเยว ปุคฺคลานํ ทุกฺขาย เวทนาย รูปธาตุยา อรูปธาตุยา อปริยาปนฺเน เตสํ ตตฺถ วิจิกิจฺฉานุสโย จ นานุเสติ กามราคานุสโย จ นานุเสติ ทฺวินฺนํ ปุคฺคลานํ สพฺพตฺถ วิจิกิจฺฉานุสโย จ นานุเสติ กามราคานุสโย จ นานุเสติ ฯ ยสฺส ยตฺถ กามราคานุสโย นานุเสติ ตสฺส ตตฺถ ภวราคานุสโย นานุเสตีติ: ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ กามราคานุสโย นานุเสติ โน จ เตสํ ตตฺถ ภวราคานุสโย นานุเสติ เตสํเยว ปุคฺคลานํ ทุกฺขาย เวทนาย อปริยาปนฺเน เตสํ ตตฺถ กามราคานุสโย จ นานุเสติ ภวราคานุสโย จ นานุเสติ อนาคามิสฺส รูปธาตุยา อรูปธาตุยา ตสฺส ตตฺถ กามราคานุสโย นานุเสติ โน จ ตสฺส ตตฺถ ภวราคานุสโย นานุเสติ ตสฺเสว ปุคฺคลสฺส กามธาตุยา ตีสุ เวทนาสุ อปริยาปนฺเน ตสฺส ตตฺถ กามราคานุสโย จ นานุเสติ ภวราคานุสโย จ นานุเสติ อรหโต สพฺพตฺถ กามราคานุสโย จ นานุเสติ ภวราคานุสโย จ นานุเสติ ฯ ยสฺส วา ปน ยตฺถ ภวราคานุสโย นานุเสติ ตสฺส ตตฺถ กามราคานุสโย นานุเสตีติ: ติณฺณํ ปุคฺคลานํ กามธาตุยา ทฺวีสุ เวทนาสุ เตสํ ตตฺถ ภวราคานุสโย นานุเสติ โน จ เตสํ ตตฺถ กามราคานุสโย นานุเสติ เตสํเยว ปุคฺคลานํ ทุกฺขาย เวทนาย อปริยาปนฺเน เตสํ ตตฺถ ภวราคานุสโย จ นานุเสติ กามราคานุสโย จ นานุเสติ อรหโต สพฺพตฺถ ภวราคานุสโย จ นานุเสติ กามราคานุสโย จ นานุเสติ ฯ ยสฺส ยตฺถ กามราคานุสโย นานุเสติ ตสฺส ตตฺถ อวิชฺชานุสโย นานุเสตีติ: ติณฺณํ ปุคฺคลานํ ทุกฺขาย เวทนาย รูปธาตุยา อรูปธาตุยา เตสํ ตตฺถ กามราคานุสโย นานุเสติ โน จ เตสํ ตตฺถ อวิชฺชานุสโย นานุเสติ เตสํเยว ปุคฺคลานํ อปริยาปนฺเน เตสํ ตตฺถ กามราคานุสโย จ นานุเสติ อวิชฺชานุสโย จ นานุเสติ อนาคามิสฺส กามธาตุยา ตีสุ เวทนาสุ รูปธาตุยา อรูปธาตุยา ตสฺส ตตฺถ กามราคานุสโย นานุเสติ โน จ ตสฺส ตตฺถ อวิชฺชานุสโย นานุเสติ ตสฺเสว ปุคฺคลสฺส อปริยาปนฺเน ตสฺส ตตฺถ กามราคานุสโย จ นานุเสติ อวิชฺชานุสโย จ นานุเสติ อรหโต สพฺพตฺถ กามราคานุสโย จ นานุเสติ อวิชฺชานุสโย จ นานุเสติ ฯ ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ กามราคานุสโย นานุเสตีติ: อามนฺตา ฯ