[๑๒๘๑] ยสฺส ยตฺถ วิจิกิจฺฉานุสโย นานุเสติ ตสฺส ตตฺถ ภวราคานุสโย นานุเสตีติ: ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ วิจิกิจฺฉานุสโย นานุเสติ โน จ เตสํ ตตฺถ ภวราคานุสโย นานุเสติ เตสํเยว ปุคฺคลานํ กามธาตุยา ตีสุ เวทนาสุ อปริยาปนฺเน เตสํ ตตฺถ วิจิกิจฺฉานุสโย จ นานุเสติ ภวราคานุสโย จ นานุเสติ อรหโต สพฺพตฺถ วิจิกิจฺฉานุสโย จ นานุเสติ ภวราคานุสโย จ นานุเสติ ฯ ยสฺส วา ปน ยตฺถ ภวราคานุสโย นานุเสติ ตสฺส ตตฺถ วิจิกิจฺฉานุสโย นานุเสตีติ: ปุถุชฺชนสฺส กามธาตุยา ตีสุ เวทนาสุ ตสฺส ตตฺถ ภวราคานุสโย นานุเสติ โน จ ตสฺส ตตฺถ วิจิกิจฺฉานุสโย นานุเสติ ตสฺเสว ปุคฺคลสฺสณ อปริยาปนฺเน ตสฺส ตตฺถ ภวราคานุสโย จ นานุเสติ วิจิกิจฺฉานุสโย จ นานุเสติ อรหโต สพฺพตฺถ ภวราคานุสโย จ นานุเสติ วิจิกิจฺฉานุสโย จ นานุเสติ ฯ ยสฺส ยตฺถ วิจิกิจฺฉานุสโย นานุเสติ ตสฺส ตตฺถ อวิชฺชานุสโย นานุเสตีติ: ติณฺณํ ปุคฺคลานํ กามธาตุยา ตีสุ เวทนาสุ รูปธาตุยา อรูปธาตุยา เตสํ ตตฺถ วิจิกิจฺฉานุสโย นานุเสติ โน จ เตสํ ตตฺถ อวิชฺชานุสโย นานุเสติ เตสํเยว ปุคฺคลานํ อปริยาปนฺเน เตสํ ตตฺถ วิจิกิจฺฉานุสโย จ นานุเสติ อวิชฺชานุสโย จ นานุเสติ อรหโต สพฺพตฺถ วิจิกิจฺฉานุสโย จ นานุเสติ อวิชฺชานุสโย จ นานุเสติ ฯ ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ วิจิกิจฺฉานุสโย นานุเสตีติ: อามนฺตา ฯ

[๑๒๘๒] ยสฺส ยตฺถ ภวราคานุสโย นานุเสติ ตสฺส ตตฺถ อวิชฺชานุสโย นานุเสตีติ: จตุนฺนํ ปุคฺคลานํ กามธาตุยา ตีสุ เวทนาสุ เตสํ ตตฺถ ภวราคานุสโย นานุเสติ โน จ เตสํ ตตฺถ อวิชฺชานุสโย นานุเสติ เตสํเยว ปุคฺคลานํ อปริยาปนฺเน เตสํ ตตฺถ ภวราคานุสโย จ นานุเสติ อวิชฺชานุสโย จ นานุเสติ อรหโต สพฺพตฺถ ภวราคานุสโย จ นานุเสติ อวิชฺชานุสโย จ นานุเสติ ฯ ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ ภวราคานุสโย นานุเสตีติ: อามนฺตา ฯ