[๑๒๘๓] ยสฺส ยตฺถ กามราคานุสโย จ ปฏิฆานุสโย จ นานุเสนฺติ ตสฺส ตตฺถ มานานุสโย นานุเสตีติ: ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ กามราคานุสโย จ ปฏิฆานุสโย จ นานุเสนฺติ โน จ เตสํ ตตฺถ มานานุสโย นานุเสติ เตสํเยว ปุคฺคลานํ อปริยาปนฺเน เตสํ ตตฺถ กามราคานุสโย จ ปฏิฆานุสโย จ นานุเสนฺติ มานานุสโย จ นานุเสติ อนาคามิสฺส กามธาตุยา ทฺวีสุ เวทนาสุ รูปธาตุยา อรูปธาตุยา ตสฺส ตตฺถ กามราคานุสโย จ ปฏิฆานุสโย จ นานุเสนฺติ โน จ ตสฺส ตตฺถ มานานุสโย นานุเสติ ตสฺเสว ปุคฺคลสฺส ทุกฺขาย เวทนาย อปริยาปนฺเน ตสฺส ตตฺถ กามราคานุสโย จ ปฏิฆานุสโย จ นานุเสนฺติ มานานุสโย จ นานุเสติ อรหโต สพฺพตฺถ กามราคานุสโย จ ปฏิฆานุสโย จ นานุเสนฺติ มานานุสโย จ นานุเสติ ฯ ยสฺส วา ปน ยตฺถ มานานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ นานุเสนฺตีติ: ติณฺณํ ปุคฺคลานํ ทุกฺขาย เวทนาย เตสํ ตตฺถ มานานุสโย จ กามราคานุสโย จ นานุเสนฺติ โน จ เตสํ ตตฺถ ปฏิฆานุสโย นานุเสติ เตสํเยว ปุคฺคลานํ อปริยาปนฺเน เตสํ ตตฺถ มานานุสโย จ นานุเสติ กามราคานุสโย จ ปฏิฆานุสโย จ นานุเสนฺติ อรหโต สพฺพตฺถ มานานุสโย จ นานุเสติ กามราคานุสโย จ ปฏิฆานุสโย จ นานุเสนฺติ ฯ ยสฺส ยตฺถ กามราคานุสโย จ ปฏิฆานุสโย จ นานุเสนฺติ ตสฺส ตตฺถ ทิฏฺฐานุสโย ฯเปฯ วิจิกิจฺฉานุสโย นานุเสตีติ: ปุถุชฺชนสฺส รูปธาตุยา อรูปธาตุยา ตสฺส ตตฺถ กามราคานุสโย จ ปฏิฆานุสโย จ นานุเสนฺติ โน จ ตสฺส ตตฺถ วิจิกิจฺฉานุสโย นานุเสติ ตสฺเสว ปุคฺคลสฺส อปริยาปนฺเน ตสฺส ตตฺถ กามราคานุสโย จ ปฏิฆานุสโย จ นานุเสนฺติ วิจิกิจฺฉานุสโย จ นานุเสติ ทฺวินฺนํ ปุคฺคลานํ สพฺพตฺถ ฯเปฯ ยสฺส วา ปน ยตฺถ วิจิกิจฺฉานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ นานุเสนฺตีติ: ทฺวินฺนํ ปุคฺคลานํ ทุกฺขาย เวทนาย เตสํ ตตฺถ วิจิกิจฺฉานุสโย จ กามราคานุสโย จ นานุเสนฺติ โน จ เตสํ ตตฺถ ปฏิฆานุสโย นานุเสติ เตสํเยว ปุคฺคลานํ กามธาตุยา ทฺวีสุ เวทนาสุ เตสํ ตตฺถ วิจิกิจฺฉานุสโย จ ปฏิฆานุสโย จ นานุเสนฺติ โน จ เตสํ ตตฺถ กามราคานุสโย นานุเสติ เตสํเยว ปุคฺคลานํ รูปธาตุยา อรูปธาตุยา อปริยาปนฺเน เตสํ ตตฺถ วิจิกิจฺฉานุสโย จ นานุเสติ กามราคานุสโย จ ปฏิฆานุสโย จ นานุเสนฺติ ทฺวินฺนํ ปุคฺคลานํ สพฺพตฺถ ฯเปฯ ยสฺส ยตฺถ กามราคานุสโย จ ปฏิฆานุสโย จ นานุเสนฺติ ตสฺส ตตฺถ ภวราคานุสโย นานุเสตีติ: ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ กามราคานุสโย จ ปฏิฆานุสโย จ นานุเสนฺติ โน จ เตสํ ตตฺถ ภวราคานุสโย นานุเสติ เตสํเยว ปุคฺคลานํ อปริยาปนฺเน เตสํ ตตฺถ กามราคานุสโย จ ปฏิฆานุสโย จ นานุเสนฺติ ภวราคานุสโย จ นานุเสติ อนาคามิสฺส รูปธาตุยา อรูปธาตุยา ตสฺส ตตฺถ กามราคานุสโย จ ปฏิฆานุสโย จ นานุเสนฺติ โน จ ตสฺส ตตฺถ ภวราคานุสโย นานุเสติ ตสฺเสว ปุคฺคลสฺส กามธาตุยา ตีสุ เวทนาสุ อปริยาปนฺเน ตสฺส ตตฺถ กามราคานุสโย จ ปฏิฆานุสโย จ นานุเสนฺติ ภวราคานุสโย จ นานุเสติ อรหโต สพฺพตฺถ ฯเปฯ ยสฺส วา ปน ยตฺถ ภวราคานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ นานุเสนฺตีติ: ติณฺณํ ปุคฺคลานํ ทุกฺขาย เวทนาย เตสํ ตตฺถ ภวราคานุสโย จ กามราคานุสโย จ นานุเสนฺติ โน จ เตสํ ตตฺถ ปฏิฆานุสโย นานุเสติ เตสํเยว ปุคฺคลานํ กามธาตุยา ทฺวีสุ เวทนาสุ เตสํ ตตฺถ ภวราคานุสโย จ ปฏิฆานุสโย จ นานุเสนฺติ โน จ เตสํ ตตฺถ กามราคานุสโย นานุเสติ เตสํเยว ปุคฺคลานํ อปริยาปนฺเน เตสํ ตตฺถ ภวราคานุสโย จ นานุเสติ กามราคานุสโย จ ปฏิฆานุสโย จ นานุเสนฺติ อรหโต สพฺพตฺถ ฯเปฯ ยสฺส ยตฺถ กามราคานุสโย จ ปฏิฆานุสโย จ นานุเสนฺติ ตสฺส ตตฺถ อวิชฺชานุสโย นานุเสตีติ: ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ กามราคานุสโย จ ปฏิฆานุสโย จ นานุเสนฺติ โน จ เตสํ ตตฺถ อวิชฺชานุสโย นานุเสติ เตสํเยว ปุคฺคลานํ อปริยาปนฺเน เตสํ ตตฺถ กามราคานุสโย จ ปฏิฆานุสโย จ นานุเสนฺติ อวิชฺชานุสโย จ นานุเสติ อนาคามิสฺส กามธาตุยา ตีสุ เวทนาสุ รูปธาตุยา อรูปธาตุยา ตสฺส ตตฺถ กามราคานุสโย จ ปฏิฆานุสโย จ นานุเสนฺติ โน จ ตสฺส ตตฺถ อวิชฺชานุสโย นานุเสติ ตสฺเสว ปุคฺคลสฺส อปริยาปนฺเน ตสฺส ตตฺถ กามราคานุสโย จ ปฏิฆานุสโย จ นานุเสนฺติ อวิชฺชานุสโย จ นานุเสติ อรหโต สพฺพตฺถ ฯเปฯ ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ นานุเสนฺตีติ: อามนฺตา ฯ