[๑๓๒๑] โย กามราคานุสเยน นิรนุสโย โส ปฏิฆานุสเยน นิรนุสโยติ: อามนฺตา ฯ โย วา ปน ปฏิฆานุสเยน นิรนุสโย โส กามราคานุสเยน นิรนุสโยติ: อามนฺตา ฯ โย กามราคานุสเยน นิรนุสโย โส มานานุสเยน นิรนุสโยติ: อนาคามี กามราคานุสเยน นิรนุสโย โน จ ๑ มานานุสเยน นิรนุสโย อรหา กามราคานุสเยน จ นิรนุสโย มานานุสเยน จ นิรนุสโย ฯ โย วา ปน มานานุสเยน นิรนุสโย โส กามราคานุสเยน นิรนุสโยติ: อามนฺตา ฯ โย กามราคานุสเยน นิรนุสโย โส ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: อามนฺตา ฯ โย วา ปน วิจิกิจฺฉานุสเยน นิรนุสโย โส กามราคานุสเยน นิรนุสโยติ: เทฺว ปุคฺคลา วิจิกิจฺฉานุสเยน นิรนุสยา โน จ กามราคานุสเยน นิรนุสยา เทฺว ปุคฺคลา วิจิกิจฺฉานุสเยน จ นิรนุสยา กามราคานุสเยน จ นิรนุสยา ฯ โย กามราคานุสเยน นิรนุสโย โส ภวราคานุสเยน ฯเปฯ อวิชฺชานุสเยน นิรนุสโยติ: อนาคามี กามราคานุสเยน นิรนุสโย โน จ อวิชฺชานุสเยน นิรนุสโย อรหา กามราคานุสเยน จ นิรนุสโย #๑ โน จ โสติ ปาฬิยา ภวิตพฺพํ ฯ ปรโต วกฺขมาโน ปุคฺคโลกาสวาโร #เจตฺถ อุทาหรณํ ฯ ตตฺถ หิ วุตฺตํ โน จ โส ตโตตฺยาทิ ฯ #โน จ เตติ เอตฺถาปิ เอเสว นโย ฯ อวิชฺชานุสเยน จ นิรนุสโย ฯ โย วา ปน อวิชฺชานุสเยน นิรนุสโย โส กามราคานุสเยน นิรนุสโยติ: อามนฺตา ฯ

[๑๓๒๒] โย ปฏิฆานุสเยน นิรนุสโย โส มานานุสเยน นิรนุสโยติ: อนาคามี ปฏิฆานุสเยน นิรนุสโย โน จ มานานุสเยน นิรนุสโย อรหา ปฏิฆานุสเยน จ นิรนุสโย มานานุสเยน จ นิรนุสโย ฯ โย วา ปน มานานุสเยน นิรนุสโย โส ปฏิฆานุสเยน นิรนุสโยติ: อามนฺตา ฯ โย ปฏิฆานุสเยน นิรนุสโย โส ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: อามนฺตา ฯ โย วา ปน วิจิกิจฺฉานุสเยน นิรนุสโย โส ปฏิฆานุสเยน นิรนุสโยติ: เทฺว ปุคฺคลา วิจิกิจฺฉานุสเยน นิรนุสยา โน จ ปฏิฆานุสเยน นิรนุสยา เทฺว ปุคฺคลา วิจิกิจฺฉานุสเยน จ นิรนุสยา ปฏิฆานุสเยน จ นิรนุสยา ฯ โย ปฏิฆานุสเยน นิรนุสโย โส ภวราคานุสเยน ฯเปฯ อวิชฺชานุสเยน นิรนุสโยติ: อนาคามี ปฏิฆานุสเยน นิรนุสโย โน จ อวิชฺชานุสเยน นิรนุสโย อรหา ปฏิฆานุสเยน จ นิรนุสโย อวิชฺชานุสเยน จ นิรนุสโย ฯ โย วา ปน อวิชฺชานุสเยน นิรนุสโย โส ปฏิฆานุสเยน นิรนุสโยติ: อามนฺตา ฯ