[๑๓๒๓] โย มานานุสเยน นิรนุสโย โส ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: อามนฺตา ฯ โย วา ปน วิจิกิจฺฉานุสเยน นิรนุสโย โส มานานุสเยน นิรนุสโยติ: ตโย ปุคฺคลา วิจิกิจฺฉานุสเยน นิรนุสยา โน จ มานานุสเยน นิรนุสยา อรหา วิจิกิจฺฉานุสเยน จ นิรนุสโย มานานุสเยน จ นิรนุสโย ฯ โย มานานุสเยน นิรนุสโย โส ภวราคานุสเยน ฯเปฯ อวิชฺชานุสเยน นิรนุสโยติ: อามนฺตา ฯ โย วา ปน อวิชฺชานุสเยน นิรนุสโย โส มานานุสเยน นิรนุสโยติ: อามนฺตา ฯ

[๑๓๒๔] โย ทิฏฺฐานุสเยน นิรนุสโย โส วิจิกิจฺฉานุสเยน นิรนุสโยติ: อามนฺตา ฯ โย วา ปน วิจิกิจฺฉานุสเยน นิรนุสโย โส ทิฏฺฐานุสเยน นิรนุสโยติ: อามนฺตา ฯเปฯ

[๑๓๒๕] โย วิจิกิจฺฉานุสเยน นิรนุสโย โส ภวราคานุสเยน ฯเปฯ อวิชฺชานุสเยน นิรนุสโยติ: ตโย ปุคฺคลา วิจิกิจฺฉานุสเยน นิรนุสยา โน จ อวิชฺชานุสเยน นิรนุสยา อรหา วิจิกิจฺฉานุสเยน จ นิรนุสโย อวิชฺชานุสเยน จ นิรนุสโย ฯ โย วา ปน อวิชฺชานุสเยน นิรนุสโย โส วิจิกิจฺฉานุสเยน นิรนุสโยติ: อามนฺตา ฯ

[๑๓๒๖] โย ภวราคานุสเยน นิรนุสโย โส อวิชฺชานุสเยน นิรนุสโยติ: อามนฺตา ฯ โย วา ปน อวิชฺชานุสเยน นิรนุสโย โส ภวราคานุสเยน นิรนุสโยติ: อามนฺตา ฯ