[๑๓๒๗] โย กามราคานุสเยน จ ปฏิฆานุสเยน จ นิรนุสโย โส มานานุสเยน นิรนุสโยติ: อนาคามี กามราคานุสเยน จ ปฏิฆานุสเยน จ นิรนุสโย โน จ มานานุสเยน นิรนุสโย อรหา กามราคานุสเยน จ ปฏิฆานุสเยน จ นิรนุสโย มานานุสเยน จ นิรนุสโย ฯ โย วา ปน มานานุสเยน นิรนุสโย โส กามราคานุสเยน จ ปฏิฆานุสเยน จ นิรนุสโยติ: อามนฺตา ฯ โย กามราคานุสเยน จ ปฏิฆานุสเยน จ นิรนุสโย โส ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: อามนฺตา ฯ โย วา ปน วิจิกิจฺฉานุสเยน นิรนุสโย โส กามราคานุสเยน จ ปฏิฆานุสเยน จ นิรนุสโยติ: เทฺว ปุคฺคลา วิจิกิจฺฉานุสเยน นิรนุสยา โน จ กามราคานุสเยน จ ปฏิฆานุสเยน จ นิรนุสยา เทฺว ปุคฺคลา วิจิกิจฺฉานุสเยน จ นิรนุสยา กามราคานุสเยน จ ปฏิฆานุสเยน จ นิรนุสยา ฯ โย กามราคานุสเยน จ ปฏิฆานุสเยน จ นิรนุสโย โส ภวราคานุสเยน ฯเปฯ อวิชฺชานุสเยน นิรนุสโยติ: อนาคามี กามราคานุสเยน จ ปฏิฆานุสเยน จ นิรนุสโย โน จ อวิชฺชานุสเยน นิรนุสโย อรหา กามราคานุสเยน จ ปฏิฆานุสเยน จ นิรนุสโย อวิชฺชานุสเยน จ นิรนุสโย ฯ โย วา ปน อวิชฺชานุสเยน นิรนุสโย โส กามราคานุสเยน จ ปฏิฆานุสเยน จ นิรนุสโยติ: อามนฺตา ฯ

[๑๓๒๘] โย กามราคานุสเยน จ ปฏิฆานุสเยน จ มานานุสเยน จ นิรนุสโย โส ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: อามนฺตา ฯ โย วา ปน วิจิกิจฺฉานุสเยน นิรนุสโย โส กามราคานุสเยน จ ปฏิฆานุสเยน จ มานานุสเยน จ นิรนุสโยติ: เทฺว ปุคฺคลา วิจิกิจฺฉานุสเยน นิรนุสยา โน จ กามราคานุสเยน จ ปฏิฆานุสเยน จ มานานุสเยน จ นิรนุสยา อนาคามี วิจิกิจฺฉานุสเยน จ กามราคานุสเยน จ ปฏิฆานุสเยน จ นิรนุสโย โน จ มานานุสเยน นิรนุสโย อรหา วิจิกิจฺฉานุสเยน จ นิรนุสโย กามราคานุสเยน จ ปฏิฆานุสเยน จ มานานุสเยน จ นิรนุสโย ฯ โย กามราคานุสเยน จ ปฏิฆานุสเยน จ มานานุสเยน จ นิรนุสโย โส ภวราคานุสเยน ฯเปฯ อวิชฺชานุสเยน นิรนุสโยติ: อามนฺตา ฯ โย วา ปน อวิชฺชานุสเยน นิรนุสโย โส กามราคานุสเยน จ ปฏิฆานุสเยน จ มานานุสเยน จ นิรนุสโยติ: อามนฺตา ฯ