[๑๓๒๙] โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสโย โส วิจิกิจฺฉานุสเยน นิรนุสโยติ: อามนฺตา ฯ โย วา ปน วิจิกิจฺฉานุสเยน นิรนุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสโยติ: เทฺว ปุคฺคลา วิจิกิจฺฉานุสเยน จ ทิฏฺฐานุสเยน จ นิรนุสยา โน จ กามราคานุสเยน จ ปฏิฆานุสเยน จ มานานุสเยน จ นิรนุสยา อนาคามี วิจิกิจฺฉานุสเยน จ กามราคานุสเยน จ ปฏิฆานุสเยน จ ทิฏฺฐานุสเยน จ นิรนุสโย โน จ มานานุสเยน นิรนุสโย อรหา วิจิกิจฺฉานุสเยน จ นิรนุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสโย ฯเปฯ

[๑๓๓๐] โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย โส ภวราคานุสเยน ฯเปฯ อวิชฺชานุสเยน นิรนุสโยติ: อามนฺตา ฯ โย วา ปน อวิชฺชานุสเยน นิรนุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโยติ: อามนฺตา ฯ

[๑๓๓๑] โย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ นิรนุสโย โส อวิชฺชานุสเยน นิรนุสโยติ: อามนฺตา ฯ โย วา ปน อวิชฺชานุสเยน นิรนุสโย โส กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ นิรนุสโยติ: อามนฺตา ฯ

[๑๓๓๒] ยโต กามราคานุสเยน นิรนุสโย ตโต ปฏิฆานุสเยน นิรนุสโยติ: ทุกฺขาย เวทนาย ตโต กามราคานุสเยน นิรนุสโย โน จ ตโต ปฏิฆานุสเยน นิรนุสโย รูปธาตุยา อรูปธาตุยา อปริยาปนฺเน ตโต กามราคานุสเยน จ นิรนุสโย ปฏิฆานุสเยน จ นิรนุสโย ฯ ยโต วา ปน ปฏิฆานุสเยน นิรนุสโย ตโต กามราคานุสเยน นิรนุสโยติ: กามธาตุยา ทฺวีสุ เวทนาสุ ตโต ปฏิฆานุสเยน นิรนุสโย โน จ ตโต กามราคานุสเยน นิรนุสโย รูปธาตุยา อรูปธาตุยา อปริยาปนฺเน ตโต ปฏิฆานุสเยน จ นิรนุสโย กามราคานุสเยน จ นิรนุสโย ฯ ยโต กามราคานุสเยน นิรนุสโย ตโต มานานุสเยน นิรนุสโยติ: รูปธาตุยา อรูปธาตุยา ตโต กามราคานุสเยน นิรนุสโย โน จ ตโต มานานุสเยน นิรนุสโย ทุกฺขาย เวทนาย อปริยาปนฺเน ตโต กามราคานุสเยน จ นิรนุสโย มานานุสเยน จ นิรนุสโย ฯ ยโต วา ปน มานานุสเยน นิรนุสโย ตโต กามราคานุสเยน นิรนุสโยติ: อามนฺตา ฯ ยโต กามราคานุสเยน นิรนุสโย ตโต ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: ทุกฺขาย เวทนาย รูปธาตุยา อรูปธาตุยา ตโต กามราคานุสเยน นิรนุสโย โน จ ตโต วิจิกิจฺฉานุสเยน นิรนุสโย อปริยาปนฺเน ตโต กามราคานุสเยน จ นิรนุสโย วิจิกิจฺฉานุสเยน จ นิรนุสโย ฯ ยโต วา ปน วิจิกิจฺฉานุสเยน นิรนุสโย ตโต กามราคานุสเยน นิรนุสโยติ: อามนฺตา ฯ ยโต กามราคานุสเยน นิรนุสโย ตโต ภวราคานุสเยน นิรนุสโยติ: รูปธาตุยา อรูปธาตุยา ตโต กามราคานุสเยน นิรนุสโย โน จ ตโต ภวราคานุสเยน นิรนุสโย ทุกฺขาย เวทนาย อปริยาปนฺเน ตโต กามราคานุสเยน จ นิรนุสโย ภวราคานุสเยน จ นิรนุสโย ฯ ยโต วา ปน ภวราคานุสเยน นิรนุสโย ตโต กามราคานุสเยน นิรนุสโยติ: กามธาตุยา ทฺวีสุ เวทนาสุ ตโต ภวราคานุสเยน นิรนุสโย โน จ ตโต กามราคานุสเยน นิรนุสโย ทุกฺขาย เวทนาย อปริยาปนฺเน ตโต ภวราคานุสเยน จ นิรนุสโย กามราคานุสเยน จ นิรนุสโย ฯ ยโต กามราคานุสเยน นิรนุสโย ตโต อวิชฺชานุสเยน นิรนุสโยติ: ทุกฺขาย เวทนาย รูปธาตุยา อรูปธาตุยา ตโต กามราคานุสเยน นิรนุสโย โน จ ตโต อวิชฺชานุสเยน นิรนุสโย อปริยาปนฺเน ตโต กามราคานุสเยน จ นิรนุสโย อวิชฺชานุสเยน จ นิรนุสโย ฯ ยโต วา ปน อวิชฺชานุสเยน นิรนุสโย ตโต กามราคานุสเยน นิรนุสโยติ: อามนฺตา ฯ