[๑๓๓๓] ยโต ปฏิฆานุสเยน นิรนุสโย ตโต มานานุสเยนฯ นิรนุสโยติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสเยน นิรนุสโย โน จ ตโต มานานุสเยน นิรนุสโย อปริยาปนฺเน ตโต ปฏิฆานุสเยน จ นิรนุสโย มานานุสเยน จ นิรนุสโย ฯ ยโต วา ปน มานานุสเยน นิรนุสโย ตโต ปฏิฆานุสเยน นิรนุสโยติ: ทุกฺขาย เวทนาย ตโต มานานุสเยน นิรนุสโย โน จ ตโต ปฏิฆานุสเยน นิรนุสโย อปริยาปนฺเน ตโต มานานุสเยน จ นิรนุสโย ปฏิฆานุสเยน จ นิรนุสโย ฯ ยโต ปฏิฆานุสเยน นิรนุสโย ตโต ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสเยน นิรนุสโย โน จ ตโต วิจิกิจฺฉานุสเยน นิรนุสโย อปริยาปนฺเน ตโต ปฏิฆานุสเยน จ นิรนุสโย วิจิกิจฺฉานุสเยน จ นิรนุสโย ฯ ยโต วา ปน วิจิกิจฺฉานุสเยน นิรนุสโย ตโต ปฏิฆานุสเยน นิรนุสโยติ: อามนฺตา ฯ ยโต ปฏิฆานุสเยน นิรนุสโย ตโต ภวราคานุสเยน นิรนุสโยติ: รูปธาตุยา อรูปธาตุยา ตโต ปฏิฆานุสเยน นิรนุสโย โน จ ตโต ภวราคานุสเยน นิรนุสโย กามธาตุยา ทฺวีสุ เวทนาสุ อปริยาปนฺเน ตโต ปฏิฆานุสเยน จ นิรนุสโย ภวราคานุสเยน จ นิรนุสโย ฯ ยโต วา ปน ภวราคานุสเยน นิรนุสโย ตโต ปฏิฆานุสเยน นิรนุสโยติ: ทุกฺขาย เวทนาย ตโต ภวราคานุสเยน นิรนุสโย โน จ ตโต ปฏิฆานุสเยน นิรนุสโย กามธาตุยา ทฺวีสุ เวทนาสุ อปริยาปนฺเน ตโต ภวราคานุสเยน จ นิรนุสโย ปฏิฆานุสเยน จ นิรนุสโย ฯ ยโต ปฏิฆานุสเยน นิรนุสโย ตโต อวิชฺชานุสเยน นิรนุสโยติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสเยน นิรนุสโย โน จ ตโต อวิชฺชานุสเยน นิรนุสโย อปริยาปนฺเน ตโต ปฏิฆานุสเยน จ นิรนุสโย อวิชฺชานุสเยน จ นิรนุสโย ฯ ยโต วา ปน อวิชฺชานุสเยน นิรนุสโย ตโต ปฏิฆานุสเยน นิรนุสโยติ: อามนฺตา ฯ

[๑๓๓๔] ยโต มานานุสเยน นิรนุสโย ตโต ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: ทุกฺขาย เวทนาย ตโต มานานุสเยน นิรนุสโย โน จ ตโต วิจิกิจฺฉานุสเยน นิรนุสโย อปริยาปนฺเน ตโต มานานุสเยน จ นิรนุสโย วิจิกิจฺฉานุสเยน จ นิรนุสโย ฯ ยโต วา ปน วิจิกิจฺฉานุสเยน นิรนุสโย ตโต มานานุสเยน นิรนุสโยติ: อามนฺตา ฯ ยโต มานานุสเยน นิรนุสโย ตโต ภวราคานุสเยน นิรนุสโยติ: อามนฺตา ฯ ยโต วา ปน ภวราคานุสเยน นิรนุสโย ตโต มานานุสเยน นิรนุสโยติ: กามธาตุยา ทฺวีสุ เวทนาสุ ตโต ภวราคานุสเยน นิรนุสโย โน จ ตโต มานานุสเยน นิรนุสโย ทุกฺขาย เวทนาย อปริยาปนฺเน ตโต ภวราคานุสเยน จ นิรนุสโย มานานุสเยน จ นิรนุสโย ฯ ยโต มานานุสเยน นิรนุสโย ตโต อวิชฺชานุสเยน นิรนุสโยติ: ทุกฺขาย เวทนาย ตโต มานานุสเยน นิรนุสโย โน จ ตโต อวิชฺชานุสเยน นิรนุสโย อปริยาปนฺเน ตโต มานานุสเยน จ นิรนุสโย อวิชฺชานุสเยน จ นิรนุสโย ฯ ยโต วา ปน อวิชฺชานุสเยน นิรนุสโย ตโต มานานุสเยน นิรนุสโยติ: อามนฺตา ฯ