[๑๓๓๕] ยโต ทิฏฺฐานุสเยน นิรนุสโย ตโต วิจิกิจฺฉานุสเยน นิรนุสโยติ: อามนฺตา ฯ ยโต วา ปน วิจิกิจฺฉานุสเยน นิรนุสโย ตโต ทิฏฺฐานุสเยน นิรนุสโยติ: อามนฺตา ฯเปฯ

[๑๓๓๖] ยโต วิจิกิจฺฉานุสเยน นิรนุสโย ตโต ภวราคานุสเยน นิรนุสโยติ: อามนฺตา ฯ ยโต วา ปน ภวราคานุสเยน นิรนุสโย ตโต วิจิกิจฺฉานุสเยน นิรนุสโยติ: กามธาตุยา ตีสุ เวทนาสุ ตโต ภวราคานุสเยน นิรนุสโย โน จ ตโต วิจิกิจฺฉานุสเยน นิรนุสโย อปริยาปนฺเน ตโต ภวราคานุสเยน จ นิรนุสโย วิจิกิจฺฉานุสเยน จ นิรนุสโย ฯ ยโต วิจิกิจฺฉานุสเยน นิรนุสโย ตโต อวิชฺชานุสเยน นิรนุสโยติ: อามนฺตา ฯ ยโต วา ปน อวิชฺชานุสเยน นิรนุสโย ตโต วิจิกิจฺฉานุสเยน นิรนุสโยติ: อามนฺตา ฯ

[๑๓๓๗] ยโต ภวราคานุสเยน นิรนุสโย ตโต อวิชฺชานุสเยน นิรนุสโยติ: กามธาตุยา ตีสุ เวทนาสุ ตโต ภวราคานุสเยน นิรนุสโย โน จ ตโต อวิชฺชานุสเยน นิรนุสโย อปริยาปนฺเน ตโต ภวราคานุสเยน จ นิรนุสโย อวิชฺชานุสเยน จ นิรนุสโย ฯ ยโต วา ปน อวิชฺชานุสเยน นิรนุสโย ตโต ภวราคานุสเยน นิรนุสโยติ: อามนฺตา ฯ

[๑๓๓๘] ยโต กามราคานุสเยน จ ปฏิฆานุสเยน จ นิรนุสโย ตโต มานานุสเยน นิรนุสโยติ: รูปธาตุยา อรูปธาตุยา ตโต กามราคานุสเยน จ ปฏิฆานุสเยน จ นิรนุสโย โน จ ตโต มานานุสเยน นิรนุสโย อปริยาปนฺเน ตโต กามราคานุสเยน จ ปฏิฆานุสเยน จ นิรนุสโย มานานุสเยน จ นิรนุสโย ฯ ยโต วา ปน มานานุสเยน นิรนุสโย ตโต กามราคานุสเยน จ ปฏิฆานุสเยน จ นิรนุสโยติ: ทุกฺขาย เวทนาย ตโต มานานุสเยน จ กามราคานุสเยน จ นิรนุสโย โน จ ตโต ปฏิฆานุสเยน นิรนุสโย อปริยาปนฺเน ตโต มานานุสเยน จ นิรนุสโย กามราคานุสเยน จ ปฏิฆานุสเยน จ นิรนุสโย ฯ ยโต กามราคานุสเยน จ ปฏิฆานุสเยน จ นิรนุสโย ตโต ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: รูปธาตุยา อรูปธาตุยา ตโต กามราคานุสเยน จ ปฏิฆานุสเยน จ นิรนุสโย โน จ ตโต วิจิกิจฺฉานุสเยน นิรนุสโย อปริยาปนฺเน ตโต กามราคานุสเยน จ ปฏิฆานุสเยน จ นิรนุสโย วิจิกิจฺฉานุสเยน จ นิรนุสโย ฯ ยโต วา ปน วิจิกิจฺฉานุสเยน นิรนุสโย ตโต กามราคานุสเยน จ ปฏิฆานุสเยน จ นิรนุสโยติ: อามนฺตา ฯ ยโต กามราคานุสเยน จ ปฏิฆานุสเยน จ นิรนุสโย ตโต ภวราคานุสเยน นิรนุสโยติ: รูปธาตุยา อรูปธาตุยา ตโต กามราคานุสเยน จ ปฏิฆานุสเยน จ นิรนุสโย โน จ ตโต ภวราคานุสเยน นิรนุสโย อปริยาปนฺเน ตโต กามราคานุสเยน จ ปฏิฆานุสเยน จ นิรนุสโย ภวราคานุสเยน จ นิรนุสโย ฯ ยโต วา ปน ภวราคานุสเยน นิรนุสโย ตโต กามราคานุสเยน จ ปฏิฆานุสเยน จ นิรนุสโยติ: ทุกฺขาย เวทนาย ตโต ภวราคานุสเยน จ กามราคานุสเยน จ นิรนุสโย โน จ ตโต ปฏิฆานุสเยน นิรนุสโย กามธาตุยา ทฺวีสุ เวทนาสุ ตโต ภวราคานุสเยน จ ปฏิฆานุสเยน จ นิรนุสโย โน จ ตโต กามราคานุสเยน นิรนุสโย อปริยาปนฺเน ตโต ภวราคานุสเยน จ นิรนุสโย กามราคานุสเยน จ ปฏิฆานุสเยน จ นิรนุสโย ฯ ยโต กามราคานุสเยน จ ปฏิฆานุสเยน จ นิรนุสโย ตโต อวิชฺชานุสเยน นิรนุสโยติ: รูปธาตุยา อรูปธาตุยา ตโต กามราคานุสเยน จ ปฏิฆานุสเยน จ นิรนุสโย โน จ ตโต อวิชฺชานุสเยน นิรนุสโย อปริยาปนฺเน ตโต กามราคานุสเยน จ ปฏิฆานุสเยน จ นิรนุสโย อวิชฺชานุสเยน จ นิรนุสโย ฯ ยโต วา ปน อวิชฺชานุสเยน นิรนุสโย ตโต กามราคานุสเยน จ ปฏิฆานุสเยน จ นิรนุสโยติ: อามนฺตา ฯ