[๑๓๔๒] ยโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ นิรนุสโย ตโต อวิชฺชานุสเยน นิรนุสโยติ: อามนฺตา ฯ ยโต วา ปน อวิชฺชานุสเยน นิรนุสโย ตโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ ภวราคานุสเยน จ นิรนุสโยติ: อามนฺตา ฯ

[๑๓๔๓] โย ยโต กามราคานุสเยน นิรนุสโย โส ตโต ปฏิฆานุสเยน นิรนุสโยติ: ตโย ปุคฺคลา ทุกฺขาย เวทนาย เต ตโต กามราคานุสเยน นิรนุสยา โน จ เต ตโต ปฏิฆานุสเยน นิรนุสยา เตว ปุคฺคลา รูปธาตุยา อรูปธาตุยา อปริยาปนฺเน เต ตโต กามราคานุสเยน จ นิรนุสยา ปฏิฆานุสเยน จ นิรนุสยา เทฺว ปุคฺคลา สพฺพตฺถ กามราคานุสเยน จ นิรนุสยา ปฏิฆานุสเยน จ นิรนุสยา ฯ โย วา ปน ยโต ปฏิฆานุสเยน นิรนุสโย โส ตโต กามราคานุสเยน นิรนุสโยติ: ตโย ปุคฺคลา กามธาตุยา ทฺวีสุ เวทนาสุ เต ตโต ปฏิฆานุสเยน นิรนุสยา โน จ เต ตโต กามราคานุสเยน นิรนุสยา เตว ปุคฺคลา รูปธาตุยา อรูปธาตุยา อปริยาปนฺเน เต ตโต ปฏิฆานุสเยน จ นิรนุสยา กามราคานุสเยน จ นิรนุสยา เทฺว ปุคฺคลา สพฺพตฺถ ปฏิฆานุสเยน จ นิรนุสยา กามราคานุสเยน จ นิรนุสยา ฯ โย ยโต กามราคานุสเยน นิรนุสโย โส ตโต มานานุสเยน นิรนุสโยติ: ตโย ปุคฺคลา รูปธาตุยา อรูปธาตุยา เต ตโต กามราคานุสเยน นิรนุสยา โน จ เต ตโต มานานุสเยน นิรนุสยา เตว ปุคฺคลา ทุกฺขาย เวทนาย อปริยาปนฺเน เต ตโต กามราคานุสเยน จ นิรนุสยา มานานุสเยน จ นิรนุสยา อนาคามี กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต กามราคานุสเยน นิรนุสโย โน จ โส ตโต มานานุสเยน นิรนุสโย โสว ปุคฺคโล ทุกฺขาย เวทนาย อปริยาปนฺเน โส ตโต กามราคานุสเยน จ นิรนุสโย มานานุสเยน จ นิรนุสโย อรหา สพฺพตฺถ กามราคานุสเยน จ นิรนุสโย มานานุสเยน จ นิรนุสโย ฯ โย วา ปน ยโต มานานุสเยน นิรนุสโย โส ตโต กามราคานุสเยน นิรนุสโยติ: อามนฺตา ฯ โย ยโต กามราคานุสเยน นิรนุสโย โส ตโต ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: ปุถุชฺชโน ทุกฺขาย เวทนาย รูปธาตุยา อรูปธาตุยา โส ตโต กามราคานุสเยน นิรนุสโย โน จ โส ตโต วิจิกิจฺฉานุสเยน นิรนุสโย โสว ปุคฺคโล อปริยาปนฺเน โส ตโต กามราคานุสเยน จ นิรนุสโย วิจิกิจฺฉานุสเยน จ นิรนุสโย เทฺว ปุคฺคลา สพฺพตฺถ กามราคานุสเยน จ นิรนุสยา วิจิกิจฺฉานุสเยน จ นิรนุสยา ฯ โย วา ปน ยโต วิจิกิจฺฉานุสเยน นิรนุสโย โส ตโต กามราคานุสเยน นิรนุสโยติ: เทฺว ปุคฺคลา กามธาตุยา ทฺวีสุ เวทนาสุ เต ตโต วิจิกิจฺฉานุสเยน นิรนุสยา โน จ เต ตโต กามราคานุสเยน นิรนุสยา เตว ปุคฺคลา ทุกฺขาย เวทนาย รูปธาตุยา อรูปธาตุยา อปริยาปนฺเน เต ตโต วิจิกิจฺฉานุสเยน จ นิรนุสยา กามราคานุสเยน จ นิรนุสยา เทฺว ปุคฺคลา สพฺพตฺถ วิจิกิจฺฉานุสเยน จ นิรนุสยา กามราคานุสเยน จ นิรนุสยา ฯ โย ยโต กามราคานุสเยน นิรนุสโย โส ตโต ภวราคานุสเยน นิรนุสโยติ: ตโย ปุคฺคลา รูปธาตุยา อรูปธาตุยา เต ตโต กามราคานุสเยน นิรนุสยา โน จ เต ตโต ภวราคานุสเยน นิรนุสยา เตว ปุคฺคลา ทุกฺขาย เวทนาย อปริยาปนฺเน เต ตโต กามราคานุสเยน จ นิรนุสยา ภวราคานุสเยน จ นิรนุสยา อนาคามี รูปธาตุยา อรูปธาตุยา โส ตโต กามราคานุสเยน นิรนุสโย โน จ โส ตโต ภวราคานุสเยน นิรนุสโย โสว ปุคฺคโล กามธาตุยา ตีสุ เวทนาสุ อปริยาปนฺเน โส ตโต กามราคานุสเยน จ นิรนุสโย ภวราคานุสเยน จ นิรนุสโย อรหา สพฺพตฺถ กามราคานุสเยน จ นิรนุสโย ภวราคานุสเยน จ นิรนุสโย ฯ โย วา ปน ยโต ภวราคานุสเยน นิรนุสโย โส ตโต กามราคานุสเยน นิรนุสโยติ: ตโย ปุคฺคลา กามธาตุยา ทฺวีสุ เวทนาสุ เต ตโต ภวราคานุสเยน นิรนุสยา โน จ เต ตโต กามราคานุสเยน นิรนุสยา เตว ปุคฺคลา ทุกฺขาย เวทนาย อปริยาปนฺเน เต ตโต ภวราคานุสเยน จ นิรนุสยา กามราคานุสเยน จ นิรนุสยา อรหา สพฺพตฺถ ภวราคานุสเยน จ นิรนุสโย กามราคานุสเยน จ นิรนุสโย ฯ โย ยโต กามราคานุสเยน นิรนุสโย โส ตโต อวิชฺชานุสเยน นิรนุสโยติ: ตโย ปุคฺคลา ทุกฺขาย เวทนาย รูปธาตุยา อรูปธาตุยา เต ตโต กามราคานุสเยน นิรนุสยา โน จ เต ตโต อวิชฺชานุสเยน นิรนุสยา เตว ปุคฺคลา อปริยาปนฺเน เต ตโต กามราคานุสเยน จ นิรนุสยา อวิชฺชานุสเยน จ นิรนุสยา อนาคามี กามธาตุยา ตีสุ เวทนาสุ รูปธาตุยา อรูปธาตุยา โส ตโต กามราคานุสเยน นิรนุสโย โน จ โส ตโต อวิชฺชานุสเยน นิรนุสโย โสว ปุคฺคโล อปริยาปนฺเน โส ตโต กามราคานุสเยน จ นิรนุสโย อวิชฺชานุสเยน จ นิรนุสโย อรหา สพฺพตฺถ กามราคานุสเยน จ นิรนุสโย อวิชฺชานุสเยน จ นิรนุสโย ฯ โย วา ปน ยโต อวิชฺชานุสเยน นิรนุสโย โส ตโต กามราคานุสเยน นิรนุสโยติ: อามนฺตา ฯ