[๑๓๔๔] โย ยโต ปฏิฆานุสเยน นิรนุสโย โส ตโต มานานุสเยน นิรนุสโยติ: ตโย ปุคฺคลา กามธาตุยา ทฺวีสุ เวทนาสุ รูปธาตุยา อรูปธาตุยา เต ตโต ปฏิฆานุสเยน นิรนุสยา โน จ เต ตโต มานานุสเยน นิรนุสยา เตว ปุคฺคลา อปริยาปนฺเน เต ตโต ปฏิฆานุสเยน จ นิรนุสยา มานานุสเยน จ นิรนุสยา อนาคามี กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต ปฏิฆานุสเยน นิรนุสโย โน จ โส ตโต มานานุสเยน นิรนุสโย โสว ปุคฺคโล ทุกฺขาย เวทนาย อปริยาปนฺเน โส ตโต ปฏิฆานุสเยน จ นิรนุสโย มานานุสเยน จ นิรนุสโย อรหา สพฺพตฺถ ปฏิฆานุสเยน จ นิรนุสโย มานานุสเยน จ นิรนุสโย ฯ โย วา ปน ยโต มานานุสเยน นิรนุสโย โส ตโต ปฏิฆานุสเยน นิรนุสโยติ: ตโย ปุคฺคลา ทุกฺขาย เวทนาย เต ตโต มานานุสเยน นิรนุสยา โน จ เต ตโต ปฏิฆานุสเยน นิรนุสยา เตว ปุคฺคลา อปริยาปนฺเน เต ตโต มานานุสเยน จ นิรนุสยา ปฏิฆานุสเยน จ นิรนุสยา อรหา สพฺพตฺถ มานานุสเยน จ นิรนุสโย ปฏิฆานุสเยน จ นิรนุสโย ฯ โย ยโต ปฏิฆานุสเยน นิรนุสโย โส ตโต ทิฏฺฐานุสเยน ฯเปฯ วิจิกิจฺฉานุสเยน นิรนุสโยติ: ปุถุชฺชโน กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต ปฏิฆานุสเยน นิรนุสโย โน จ โส ตโต วิจิกิจฺฉานุสเยน นิรนุสโย โสว ปุคฺคโล อปริยาปนฺเน โส ตโต ปฏิฆานุสเยน จ นิรนุสโย วิจิกิจฺฉานุสเยน จ นิรนุสโย เทฺว ปุคฺคลา สพฺพตฺถ ปฏิฆานุสเยน จ นิรนุสยา วิจิกิจฺฉานุสเยน จ นิรนุสยา ฯ โย วา ปน ยโต วิจิกิจฺฉานุสเยน นิรนุสโย โส ตโต ปฏิฆานุสเยน นิรนุสโยติ: เทฺว ปุคฺคลา ทุกฺขาย เวทนาย เต ตโต วิจิกิจฺฉานุสเยน นิรนุสยา โน จ เต ตโต ปฏิฆานุสเยน นิรนุสยา เตว ปุคฺคลา กามธาตุยา ทฺวีสุ เวทนาสุ รูปธาตุยา อรูปธาตุยา อปริยาปนฺเน เต ตโต วิจิกิจฺฉานุสเยน จ นิรนุสยา ปฏิฆานุสเยน จ นิรนุสยา เทฺว ปุคฺคลา สพฺพตฺถ วิจิกิจฺฉานุสเยน จ นิรนุสยา ปฏิฆานุสเยน จ นิรนุสยา ฯ โย ยโต ปฏิฆานุสเยน นิรนุสโย โส ตโต ภวราคานุสเยน นิรนุสโยติ: ตโย ปุคฺคลา รูปธาตุยา อรูปธาตุยา เต ตโต ปฏิฆานุสเยน นิรนุสยา โน จ เต ตโต ภวราคานุสเยน นิรนุสยา เตว ปุคฺคลา กามธาตุยา ทฺวีสุ เวทนาสุ อปริยาปนฺเน เต ตโต ปฏิฆานุสเยน จ นิรนุสยา ภวราคานุสเยน จ นิรนุสยา อนาคามี รูปธาตุยา อรูปธาตุยา โส ตโต ปฏิฆานุสเยน นิรนุสโย โน จ โส ตโต ภวราคานุสเยน นิรนุสโย โสว ปุคฺคโล กามธาตุยา ตีสุ เวทนาสุ อปริยาปนฺเน โส ตโต ปฏิฆานุสเยน จ นิรนุสโย ภวราคานุสเยน จ นิรนุสโย อรหา สพฺพตฺถ ปฏิฆานุสเยน จ นิรนุสโย ภวราคานุสเยน จ นิรนุสโย ฯ โย วา ปน ยโต ภวราคานุสเยน นิรนุสโย โส ตโต ปฏิฆานุสเยน นิรนุสโยติ: ตโย ปุคฺคลา ทุกฺขาย เวทนาย เต ตโต ภวราคานุสเยน นิรนุสยา โน จ เต ตโต ปฏิฆานุสเยน นิรนุสยา เตว ปุคฺคลา กามธาตุยา ทฺวีสุ เวทนาสุ อปริยาปนฺเน เต ตโต ภวราคานุสเยน จ นิรนุสยา ปฏิฆานุสเยน จ นิรนุสยา อรหา สพฺพตฺถ ภวราคานุสเยน จ นิรนุสโย ปฏิฆานุสเยน จ นิรนุสโย ฯ โย ยโต ปฏิฆานุสเยน นิรนุสโย โส ตโต อวิชฺชานุสเยน นิรนุสโยติ: ตโย ปุคฺคลา กามธาตุยา ทฺวีสุ เวทนาสุ รูปธาตุยา อรูปธาตุยา เต ตโต ปฏิฆานุสเยน นิรนุสยา โน จ เต ตโต อวิชฺชานุสเยน นิรนุสยา เตว ปุคฺคลา อปริยาปนฺเน เต ตโต ปฏิฆานุสเยน จ นิรนุสยา อวิชฺชานุสเยน จ นิรนุสยา อนาคามี กามธาตุยา ตีสุ เวทนาสุ รูปธาตุยา อรูปธาตุยา โส ตโต ปฏิฆานุสเยน นิรนุสโย โน จ โส ตโต อวิชฺชานุสเยน นิรนุสโย โสว ปุคฺคโล อปริยาปนฺเน โส ตโต ปฏิฆานุสเยน จ นิรนุสโย อวิชฺชานุสเยน จ นิรนุสโย อรหา สพฺพตฺถ ปฏิฆานุสเยน จ นิรนุสโย อวิชฺชานุสเยน จ นิรนุสโย ฯ โย วา ปน ยโต อวิชฺชานุสเยน นิรนุสโย โส ตโต ปฏิฆานุสเยน นิรนุสโยติ: อามนฺตา ฯ