[๑๓๕๑] โย ยโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสโย โส ตโต วิจิกิจฺฉานุสเยน นิรนุสโยติ: อามนฺตา ฯ โย วา ปน ยโต วิจิกิจฺฉานุสเยน นิรนุสโย โส ตโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสโยติ: เทฺว ปุคฺคลา ทุกฺขาย เวทนาย เต ตโต วิจิกิจฺฉานุสเยน จ กามราคานุสเยน จ มานานุสเยน จ ทิฏฺฐานุสเยน จ นิรนุสยา โน จ เต ตโต ปฏิฆานุสเยน นิรนุสยา เตว ปุคฺคลา กามธาตุยา ทฺวีสุ เวทนาสุ เต ตโต วิจิกิจฺฉานุสเยน จ ปฏิฆานุสเยน จ ทิฏฺฐานุสเยน จ นิรนุสยา โน จ เต ตโต กามราคานุสเยน จ มานานุสเยน จ นิรนุสยา เตว ปุคฺคลา รูปธาตุยา อรูปธาตุยา เต ตโต วิจิกิจฺฉานุสเยน จ กามราคานุสเยน จ ปฏิฆานุสเยน จ ทิฏฺฐานุสเยน จ นิรนุสยา โน จ เต ตโต มานานุสเยน นิรนุสยา เตว ปุคฺคลา อปริยาปนฺเน เต ตโต วิจิกิจฺฉานุสเยน จ นิรนุสยา กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสยา อนาคามี กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต วิจิกิจฺฉานุสเยน จ กามราคานุสเยน จ ปฏิฆานุสเยน จ ทิฏฺฐานุสเยน จ นิรนุสโย โน จ โส ตโต มานานุสเยน นิรนุสโย โสว ปุคฺคโล ทุกฺขาย เวทนาย อปริยาปนฺเน โส ตโต วิจิกิจฺฉานุสเยน จ นิรนุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสโย อรหา สพฺพตฺถ วิจิกิจฺฉานุสเยน จ นิรนุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ นิรนุสโย ฯเปฯ

[๑๓๕๒] โย ยโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย โส ตโต ภวราคานุสเยน นิรนุสโยติ: อามนฺตา ฯ โย วา ปน ยโต ภวราคานุสเยน นิรนุสโย โส ตโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโยติ: ปุถุชฺชโน ทุกฺขาย เวทนาย โส ตโต ภวราคานุสเยน จ กามราคานุสเยน จ มานานุสเยน จ นิรนุสโย โน จ โส ตโต ปฏิฆานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย โสว ปุคฺคโล กามธาตุยา ทฺวีสุ เวทนาสุ โส ตโต ภวราคานุสเยน จ ปฏิฆานุสเยน จ นิรนุสโย โน จ โส ตโต กามราคานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย โสว ปุคฺคโล อปริยาปนฺเน โส ตโต ภวราคานุสเยน จ นิรนุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย เทฺว ปุคฺคลา ทุกฺขาย เวทนาย เต ตโต ภวราคานุสเยน จ กามราคานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสยา โน จ เต ตโต ปฏิฆานุสเยน นิรนุสยา เตว ปุคฺคลา กามธาตุยา ทฺวีสุ เวทนาสุ เต ตโต ภวราคานุสเยน จ ปฏิฆานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสยา โน จ เต ตโต กามราคานุสเยน จ มานานุสเยน จ นิรนุสยา เตว ปุคฺคลา อปริยาปนฺเน เต ตโต ภวราคานุสเยน จ นิรนุสยา กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสยา อนาคามี กามธาตุยา ทฺวีสุ เวทนาสุ โส ตโต ภวราคานุสเยน จ กามราคานุสเยน จ ปฏิฆานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย โน จ โส ตโต มานานุสเยน นิรนุสโย โสว ปุคฺคโล ทุกฺขาย เวทนาย อปริยาปนฺเน โส ตโต ภวราคานุสเยน จ นิรนุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย อรหา สพฺพตฺถ ภวราคานุสเยน จ นิรนุสโย กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จํ วิจิกิจฺฉานุสเยน จ นิรนุสโย ฯ โย ยโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน นุสเยน จ นิรนุสโย โส ตโต อวิชฺชานุสเยน นิรนุสโยติ: อนาคามี ทุกฺขาย เวทนาย โส ตโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย โน จ โส ตโต อวิชฺชานุสเยน นิรนุสโย โสว ปุคฺคโล อปริยาปนฺเน โส ตโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย อวิชฺชานุสเยน จ นิรนุสโย อรหา สพฺพตฺถ กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโย อวิชฺชานุสเยน จ นิรนุสโย ฯ โย วา ปน ยโต อวิชฺชานุสเยน นิรนุสโย โส ตโต กามราคานุสเยน จ ปฏิฆานุสเยน จ มานานุสเยน จ ทิฏฺฐานุสเยน จ วิจิกิจฺฉานุสเยน จ นิรนุสโยติ: อามนฺตา ฯ