[๑๓๘๘] โย ปฏิฆานุสยํ นปฺปชหติ โส มานานุสยํ นปฺปชหตีติ: อคฺคมคฺคสมงฺคี ปฏิฆานุสยํ นปฺปชหติ โน จ โส มานานุสยํ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา ปฏิฆานุสยญฺจ นปฺปชหนฺติ มานานุสยญฺจ นปฺปชหนฺติ ฯ โย วา ปน มานานุสยํ นปฺปชหติ โส ปฏิฆานุสยํ นปฺปชหตีติ: อนาคามิมคฺคสมงฺคี มานานุสยํ นปฺปชหติ โน จ โส ปฏิฆานุสยํ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา มานานุสยญฺจ นปฺปชหนฺติ ปฏิฆานุสยญฺจ นปฺปชหนฺติ ฯ โย ปฏิฆานุสยํ นปฺปชหติ โส ทิฏฺฐานุสยํ ฯเปฯ วิจิกิจฺฉานุสยํ นปฺปชหตีติ: อฏฺฐมโก ปฏิฆานุสยํ นปฺปชหติ โน จ โส วิจิกิจฺฉานุสยํ นปฺปชหติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา ปฏิฆานุสยญฺจ นปฺปชหนฺติ วิจิกิจฺฉานุสยญฺจ นปฺปชหนฺติ ฯ โย วา ปน วิจิกิจฺฉานุสยํ นปฺปชหติ โส ปฏิฆานุสยํ นปฺปชหตีติ: อนาคามิมคฺคสมงฺคี วิจิกิจฺฉานุสยํ นปฺปชหติ โน จ โส ปฏิฆานุสยํ นปฺปชหติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา วิจิกิจฺฉานุสยญฺจ นปฺปชหนฺติ ปฏิฆานุสยญฺจ นปฺปชหนฺติ ฯ โย ปฏิฆานุสยํ นปฺปชหติ โส ภวราคานุสยํ ฯเปฯ อวิชฺชานุสยํ นปฺปชหตีติ: อคฺคมคฺคสมงฺคี ปฏิฆานุสยํ นปฺปชหติ โน จ โส อวิชฺชานุสยํ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา ปฏิฆานุสยญฺจ นปฺปชหนฺติ อวิชฺชานุสยญฺจ นปฺปชหนฺติ ฯ โย วา ปน อวิชฺชานุสยํ นปฺปชหติ โส ปฏิฆานุสยํ นปฺปชหตีติ: อนาคามิมคฺคสมงฺคี อวิชฺชานุสยํ นปฺปชหติ โน จ โส ปฏิฆานุสยํ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา อวิชฺชานุสยญฺจ นปฺปชหนฺติ ปฏิฆานุสยญฺจ นปฺปชหนฺติ ฯ

[๑๓๘๙] โย มานานุสยํ นปฺปชหติ โส ทิฏฺฐานุสยํ ฯเปฯ วิจิกิจฺฉานุสยํ นปฺปชหตีติ: อฏฺฐมโก มานานุสยํ นปฺปชหติ โน จ โส วิจิกิจฺฉานุสยํ นปฺปชหติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา มานานุสยญฺจ นปฺปชหนฺติ วิจิกิจฺฉานุสยญฺจ นปฺปชหนฺติ ฯ โย วา ปน วิจิกิจฺฉานุสยํ นปฺปชหติ โส มานานุสยํ นปฺปชหตีติ: อคฺคมคฺคสมงฺคี วิจิกิจฺฉานุสยํ นปฺปชหติ โน จ โส มานานุสยํ นปฺปชหติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา วิจิกิจฺฉานุสยญฺจ นปฺปชหนฺติ มานานุสยญฺจ นปฺปชหนฺติ ฯ โย มานานุสยํ นปฺปชหติ โส ภวราคานุสยํ ฯเปฯ อวิชฺชานุสยํ นปฺปชหตีติ: อามนฺตา ฯ โย วา ปน อวิชฺชานุสยํ นปฺปชหติ โส มานานุสยํ นปฺปชหตีติ: อามนฺตา ฯ