[๑๓๙๐] โย ทิฏฺฐานุสยํ นปฺปชหติ โส วิจิกิจฺฉานุสยํ นปฺปชหตีติ: อามนฺตา ฯ โย วา ปน วิจิกิจฺฉานุสยํ นปฺปชหติ โส ทิฏฺฐานุสยํ นปฺปชหตีติ: อามนฺตา ฯเปฯ

[๑๓๙๑] โย วิจิกิจฺฉานุสยํ นปฺปชหติ โส ภวราคานุสยํ ฯเปฯ อวิชฺชานุสยํ นปฺปชหตีติ: อคฺคมคฺคสมงฺคี วิจิกิจฺฉานุสยํ นปฺปชหติ โน จ โส อวิชฺชานุสยํ นปฺปชหติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา วิจิกิจฺฉานุสยญฺจ นปฺปชหนฺติ อวิชฺชานุสยญฺจ นปฺปชหนฺติ ฯ โย วา ปน อวิชฺชานุสยํ นปฺปชหติ โส วิจิกิจฺฉานุสยํ นปฺปชหตีติ: อฏฺฐมโก อวิชฺชานุสยํ นปฺปชหติ โน จ โส วิจิกิจฺฉานุสยํ นปฺปชหติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา อวิชฺชานุสยญฺจ นปฺปชหนฺติ วิจิกิจฺฉานุสยญฺจ นปฺปชหนฺติ ฯ

[๑๓๙๒] โย ภวราคานุสยํ นปฺปชหติ โส อวิชฺชานุสยํ นปฺปชหตีติ: อามนฺตา ฯ โย วา ปน อวิชฺชานุสยํ นปฺปชหติ โส ภวราคานุสยํ นปฺปชหตีติ: อามนฺตา ฯ

[๑๓๙๓] โย กามราคานุสยญฺจ ปฏิฆานุสยญฺจ นปฺปชหติ โส มานานุสยํ นปฺปชหตีติ: อคฺคมคฺคสมงฺคี กามราคานุสยญฺจ ปฏิฆานุสยญฺจ นปฺปชหติ โน จ โส มานานุสยํ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา กามราคานุสยญฺจ ปฏิฆานุสยญฺจ นปฺปชหนฺติ มานานุสยญฺจ นปฺปชหนฺติ ฯ โย วา ปน มานานุสยํ นปฺปชหติ โส กามราคานุสยญฺจ ปฏิฆานุสยญฺจ นปฺปชหตีติ: อนาคามิมคฺคสมงฺคี มานานุสยํ นปฺปชหติ โน จ โส กามราคานุสยญฺจ ปฏิฆานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา มานานุสยญฺจ นปฺปชหนฺติ กามราคานุสยญฺจ ปฏิฆานุสยญฺจ นปฺปชหนฺติ ฯ โย กามราคานุสยญฺจ ปฏิฆานุสยญฺจ นปฺปชหติ โส ทิฏฺฐานุสยํ ฯเปฯ วิจิกิจฺฉานุสยํ นปฺปชหตีติ: อฏฺฐมโก กามราคานุสยญฺจ ปฏิฆานุสยญฺจ นปฺปชหติ โน จ โสฺ วิจิกิจฺฉานุสยํ นปฺปชหติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา กามราคานุสยญฺจ ปฏิฆานุสยญฺจ นปฺปชหนฺติ วิจิกิจฺฉานุสยญฺจ นปฺปชหนฺติ ฯ โย วา ปน วิจิกิจฺฉานุสยํ นปฺปชหติ โส กามราคานุสยญฺจ ปฏิฆานุสยญฺจ นปฺปชหตีติ: อนาคามิมคฺคสมงฺคี วิจิกิจฺฉานุสยํ นปฺปชหติ โน จ โส กามราคานุสยญฺจ ปฏิฆานุสยญฺจ นปฺปชหติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา วิจิกิจฺฉานุสยญฺจ นปฺปชหนฺติ กามราคานุสยญฺจ ปฏิฆานุสยญฺจ นปฺปชหนฺติ ฯ โย กามราคานุสยญฺจ ปฏิฆานุสยญฺจ นปฺปชหติ โส ภวราคานุสยํ ฯเปฯ อวิชฺชานุสยํ นปฺปชหตีติ: อคฺคมคฺคสมงฺคี กามราคานุสยญฺจ ปฏิฆานุสยญฺจ นปฺปชหติ โน จ โส อวิชฺชานุสยํ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา กามราคานุสยญฺจ ปฏิฆานุสยญฺจ นปฺปชหนฺติ อวิชฺชานุสยญฺจ นปฺปชหนฺติ ฯ โย วา ปน อวิชฺชานุสยํ นปฺปชหติ โส กามราคานุสยญฺจ ปฏิฆานุสยญฺจ นปฺปชหตีติ: อนาคามิมคฺคสมงฺคี อวิชฺชานุสยํ นปฺปชหติ โน จ โส กามราคานุสยญฺจ ปฏิฆานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา อวิชฺชานุสยญฺจ นปฺปชหนฺติ กามราคานุสยญฺจ ปฏิฆานุสยญฺจ นปฺปชหนฺติ ฯ