[๑๓๙๖] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหติ โส ภวราคานุสยํ ฯเปฯ อวิชฺชานุสยํ นปฺปชหตีติ: อามนฺตา ฯ โย วา ปน อวิชฺชานุสยํ นปฺปชหติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหตีติ: อฏฺฐมโก อวิชฺชานุสยญฺจ กามราคานุสยญฺจ ปฏิฆานุสยญฺจ มานานุสยญฺจ นปฺปชหติ โน จ โส ทิฏฺฐานุสยญฺจ วิจิกิจฺฉานุสยญฺจ นปฺปชหติ อนาคามิมคฺคสมงฺคี อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหติ โน จ โส กามราคานุสยญฺจ ปฏิฆานุสยญฺจ นปฺปชหติ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา อวิชฺชานุสยญฺจ นปฺปชหนฺติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ นปฺปชหนฺติ ฯ

[๑๓๙๗] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหติ โส อวิชฺชานุสยํ นปฺปชหตีติ: อามนฺตา ฯ โย วา ปน อวิชฺชานุสยํ นปฺปชหติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหตีติ: อฏฺฐมโก อวิชฺชานุสยญฺจ กามราคานุสยญฺจ ปฏิฆานุสยญฺจ มานานุสยญฺจ ภวราคานุสยญฺจ นปฺปชหติ โน จ โส ทิฏฺฐานุสยญฺจ วิจิกิจฺฉานุสยญฺจ นปฺปชหติ อนาคามิมคฺคสมงฺคี อวิชฺชานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหติ โน จ โส กามราคานุสยญฺจ ปฏิฆานุสยญฺจ นปฺปชหติ ทฺวินฺนํ มคฺคสมงฺคีนญฺจ อฏฺฐมกญฺจ ฐเปตฺวา อวเสสา ปุคฺคลา อวิชฺชานุสยญฺจ นปฺปชหนฺติ กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหนฺติ ฯ

[๑๓๙๘] ยโต กามราคานุสยํ นปฺปชหติ ตโต ปฏิฆานุสยํ นปฺปชหตีติ: ทุกฺขาย เวทนาย ตโต กามราคานุสยํ นปฺปชหติ โน จ ตโต ปฏิฆานุสยํ นปฺปชหติ รูปธาตุยา อรูปธาตุยา อปริยาปนฺเน ตโต กามราคานุสยญฺจ นปฺปชหติ ปฏิฆานุสยญฺจ นปฺปชหติ ฯ ยโต วา ปน ปฏิฆานุสยํ นปฺปชหติ ตโต กามราคานุสยํ นปฺปชหตีติ: กามธาตุยา ทฺวีสุ เวทนาสุ ตโต ปฏิฆานุสยํ นปฺปชหติ โน จ ตโต กามราคานุสยํ นปฺปชหติ รูปธาตุยา อรูปธาตุยา อปริยาปนฺเน ตโต ปฏิฆานุสยญฺจ นปฺปชหติ กามราคานุสยญฺจ นปฺปชหติ ฯ ยโต กามราคานุสยํ นปฺปชหติ ตโต มานานุสยํ นปฺปชหตีติ: รูปธาตุยา อรูปธาตุยา ตโต กามราคานุสยํ นปฺปชหติ โน จ ตโต มานานุสยํ นปฺปชหติ ทุกฺขาย เวทนาย อปริยาปนฺเน ตโต กามราคานุสยญฺจ นปฺปชหติ มานานุสยญฺจ นปฺปชหติ ฯ ยโต วา ปน มานานุสยํ นปฺปชหติ ตโต กามราคานุสยํ นปฺปชหตีติ: อามนฺตา ฯ ยโต กามราคานุสยํ นปฺปชหติ ตโต ทิฏฺฐานุสยํ ฯเปฯ วิจิกิจฺฉานุสยํ นปฺปชหตีติ: ทุกฺขาย เวทนาย รูปธาตุยา อรูปธาตุยา ตโต กามราคานุสยํ นปฺปชหติ โน จ ตโต วิจิกิจฺฉานุสยํ นปฺปชหติ อปริยาปนฺเน ตโต กามราคานุสยญฺจ นปฺปชหติ วิจิกิจฺฉานุสยญฺจ นปฺปชหติ ฯ ยโต วา ปน วิจิกิจฺฉานุสยํ นปฺปชหติ ตโต กามราคานุสยํ นปฺปชหตีติ: อามนฺตา ฯ ยโต กามราคานุสยํ นปฺปชหติ ตโต ภวราคานุสยํ นปฺปชหตีติ: รูปธาตุยา อรูปธาตุยา ตโต กามราคานุสยํ นปฺปชหติ โน จ ตโต ภวราคานุสยํ นปฺปชหติ ทุกฺขาย เวทนาย อปริยาปนฺเน ตโต กามราคานุสยญฺจ นปฺปชหติ ภวราคานุสยญฺจ นปฺปชหติ ฯ ยโต วา ปน ภวราคานุสยํ นปฺปชหติ ตโต กามราคานุสยํ นปฺปชหตีติ: กามธาตุยา ทฺวีสุ เวทนาสุ ตโต ภวราคานุสยํ นปฺปชหติ โน จ ตโต กามราคานุสยํ นปฺปชหติ ทุกฺขาย เวทนาย อปริยาปนฺเน ตโต ภวราคานุสยญฺจ นปฺปชหติ กามราคานุสยญฺจ นปฺปชหติ ฯ ยโต กามราคานุสยํ นปฺปชหติ ตโต อวิชฺชานุสยํ นปฺปชหตีติ: ทุกฺขาย เวทนาย รูปธาตุยา อรูปธาตุยา ตโต กามราคานุสยํ นปฺปชหติ โน จ ตโต อวิชฺชานุสยํ นปฺปชหติ อปริยาปนฺเน ตโต กามราคานุสยญฺจ นปฺปชหติ อวิชฺชานุสยญฺจ นปฺปชหติ ฯ ยโต วา ปน อวิชฺชานุสยํ นปฺปชหติ ตโต กามราคานุสยํ นปฺปชหตีติ: อามนฺตา ฯ