[๑๓๙๙] ยโต ปฏิฆานุสยํ นปฺปชหติ ตโต มานานุสยํ นปฺปชหตีติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสยํ นปฺปชหติ โน จ ตโต มานานุสยํ นปฺปชหติ อปริยาปนฺเน ตโต ปฏิฆานุสยญฺจ นปฺปชหติ มานานุสยญฺจ นปฺปชหติ ฯ ยโต วา ปน มานานุสยํ นปฺปชหติ ตโต ปฏิฆานุสยํ นปฺปชหตีติ: ทุกฺขาย เวทนาย ตโต มานานุสยํ นปฺปชหติ โน จ ตโต ปฏิฆานุสยํ นปฺปชหติ อปริยาปนฺเน ตโต มานานุสยญฺจ นปฺปชหติ ปฏิฆานุสยญฺจ นปฺปชหติ ฯ ยโต ปฏิฆานุสยํ นปฺปชหติ ตโต ทิฏฺฐานุสยํ ฯเปฯ วิจิกิจฺฉานุสยํ นปฺปชหตีติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสยํ นปฺปชหติ โน จ ตโต วิจิกิจฺฉานุสยํ นปฺปชหติ อปริยาปนฺเน ตโต ปฏิฆานุสยญฺจ นปฺปชหติ วิจิกิจฺฉานุสยญฺจ นปฺปชหติ ฯ ยโต วา ปน วิจิกิจฺฉานุสยํ นปฺปชหติ ตโต ปฏิฆานุสยํ นปฺปชหตีติ: อามนฺตา ฯ ยโต ปฏิฆานุสยํ นปฺปชหติ ตโต ภวราคานุสยํ นปฺปชหตีติ: รูปธาตุยา อรูปธาตุยา ตโต ปฏิฆานุสยํ นปฺปชหติ โน จ ตโต ภวราคานุสยํ นปฺปชหติ กามธาตุยา ทฺวีสุ เวทนาสุ อปริยาปนฺเน ตโต ปฏิฆานุสยญฺจ นปฺปชหติ ภวราคานุสยญฺจ นปฺปชหติ ฯ ยโต วา ปน ภวราคานุสยํ นปฺปชหติ ตโต ปฏิฆานุสยํ นปฺปชหตีติ: ทุกฺขาย เวทนาย ตโต ภวราคานุสยํ นปฺปชหติ โน จ ตโต ปฏิฆานุสยํ นปฺปชหติ กามธาตุยา ทฺวีสุ เวทนาสุ อปริยาปนฺเน ตโต ภวราคานุสยญฺจ นปฺปชหติ ปฏิฆานุสยญฺจ นปฺปชหติ ฯ ยโต ปฏิฆานุสยํ นปฺปชหติ ตโต อวิชฺชานุสยํ นปฺปชหตีติ: กามธาตุยา ทฺวีสุ เวทนาสุ รูปธาตุยา อรูปธาตุยา ตโต ปฏิฆานุสยํ นปฺปชหติ โน จ ตโต อวชฺชานุสยํ นปฺปชหติ อปริยาปนฺเน ตโต ปฏิฆานุสยญฺจ นปฺปชหติ อวิชฺชานุสยญฺจ นปฺปชหติ ฯ ยโต วา ปน อวิชฺชานุสยํ นปฺปชหติ ตโต ปฏิฆานุสยํ นปฺปชหตีติ: อามนฺตา ฯ

[๑๔๐๐] ยโต มานานุสยํ นปฺปชหติ ตโต ทิฏฺฐานุสยํ ฯเปฯ วิจิกิจฺฉานุสยํ นปฺปชหตีติ: ทุกฺขาย เวทนาย ตโต มานานุสยํ นปฺปชหติ โน จ ตโต วิจิกิจฺฉานุสยํ นปฺปชหติ อปริยาปนฺเน ตโต มานานุสยญฺจ นปฺปชหติ วิจิกิจฺฉานุสยญฺจ นปฺปชหติ ฯ ยโต วา ปน วิจิกิจฺฉานุสยํ นปฺปชหติ ตโต มานานุสยํ นปฺปชหตีติ: อามนฺตา ฯ ยโต มานานุสยํ นปฺปชหติ ตโต ภวราคานุสยํ นปฺปชหตีติ: อามนฺตา ฯ ยโต วา ปน ภวราคานุสยํ นปฺปชหติ ตโต มานานุสยํ นปฺปชหตีติ: กามธาตุยา ทฺวีสุ เวทนาสุ ตโต ภวราคานุสยํ นปฺปชหติ โน จ ตโต มานานุสยํ นปฺปชหติ ทุกฺขาย เวทนาย อปริยาปนฺเน ตโต ภวราคานุสยญฺจ นปฺปชหติ มานานุสยญฺจ นปฺปชหติ ฯ ยโต มานานุสยํ นปฺปชหติ ตโต อวิชฺชานุสยํ นปฺปชหตีติ: ทุกฺขาย เวทนาย ตโต มานานุสยํ นปฺปชหติ โน จ ตโต อวิชฺชานุสยํ นปฺปชหติ อปริยาปนฺเน ตโต มานานุสยญฺจ นปฺปชหติ อวิชฺชานุสยญฺจ นปฺปชหติ ฯ ยโต วา ปน อวิชฺชานุสยํ นปฺปชหติ ตโต มานานุสยํ นปฺปชหตีติ: อามนฺตา ฯ