[๑๔๐๑] ยโต ทิฏฺฐานุสยํ นปฺปชหติ ตโต วิจิกิจฺฉานุสยํ นปฺปชหตีติ: อามนฺตา ฯ ยโต วา ปน วิจิกิจฺฉานุสยํ นปฺปชหติ ตโต ทิฏฺฐานุสยํ นปฺปชหตีติ: อามนฺตา ฯเปฯ

[๑๔๐๒] ยโต วิจิกิจฺฉานุสยํ นปฺปชหติ ตโต ภวราคานุสยํฮ นปฺปชหตีติ: อามนฺตา ฯ ยโต วา ปน ภวราคานุสยํ นปฺปชหติ ตโต วิจิกิจฺฉานุสยํ นปฺปชหตีติ: กามธาตุยา ตีสุ เวทนาสุ ตโต ภวราคานุสยํ นปฺปชหติ โน จ ตโต วิจิกิจฺฉานุสยํ นปฺปชหติ อปริยาปนฺเน ตโต ภวราคานุสยญฺจ นปฺปชหติ วิจิกิจฺฉานุสยญฺจ นปฺปชหติ ฯ ยโต วิจิกิจฺฉานุสยํ นปฺปชหติ ตโต อวิชฺชานุสยํ นปฺปชหตีติ: อามนฺตา ฯ ยโต วา ปน อวิชฺชานุสยํ นปฺปชหติ ตโต วิจิกิจฺฉานุสยํ นปฺปชหตีติ: อามนฺตา ฯ

[๑๔๐๓] ยโต ภวราคานุสยํ นปฺปชหติ ตโต อวิชฺชานุสยํ นปฺปชหตีติ: กามธาตุยา ตีสุ เวทนาสุ ตโต ภวราคานุสยํ นปฺปชหติ โน จ ตโต อวิชฺชานุสยํ นปฺปชหติ อปริยาปนฺเน ตโต ภวราคานุสยญฺจ นปฺปชหติ อวิชฺชานุสยญฺจ นปฺปชหติ ฯ ยโต วา ปน อวิชฺชานุสยํ นปฺปชหติ ตโต ภวราคานุสยํ นปฺปชหตีติ: อามนฺตา ฯ

[๑๔๐๔] ยโต กามราคานุสยญฺจ ปฏิฆานุสยญฺจ นปฺปชหติ ตโต มานานุสยํ นปฺปชหตีติ: รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ นปฺปชหติ โน จ ตโต มานานุสยํ นปฺปชหติ อปริยาปนฺเน ตโต กามราคานุสยญฺจ ปฏิฆานุสยญฺจ นปฺปชหติ มานานุสยญฺจ นปฺปชหติ ฯ ยโต วา ปน มานานุสยํ นปฺปชหติ ตโต กามราคานุสยญฺจ ปฏิฆานุสยญฺจ นปฺปชหตีติ: ทุกฺขาย เวทนาย ตโต มานานุสยญฺจ กามราคานุสยญฺจ นปฺปชหติ โน จ ตโต ปฏิฆานุสยํ นปฺปชหติ อปริยาปนฺเน ตโต มานานุสยญฺจ นปฺปชหติ กามราคานุสยญฺจ ปฏิฆานุสยญฺจ นปฺปชหติ ฯ ยโต กามราคานุสยญฺจ ปฏิฆานุสยญฺจ นปฺปชหติ ตโต ทิฏฺฐานุสยํ ฯเปฯ วิจิกิจฺฉานุสยํ นปฺปชหตีติ: รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ นปฺปชหติ โน จ ตโต วิจิกิจฺฉานุสยํ นปฺปชหติ อปริยาปนฺเน ตโต กามราคานุสยญฺจ ปฏิฆานุสยญฺจ นปฺปชหติ วิจิกิจฺฉานุสยญฺจ นปฺปชหติ ฯ ยโต วา ปน วิจิกิจฺฉานุสยํ นปฺปชหติ ตโต กามราคานุสยญฺจ ปฏิฆานุสยญฺจ นปฺปชหตีติ: อามนฺตา ฯ ยโต กามราคานุสยญฺจ ปฏิฆานุสยญฺจ นปฺปชหติ ตโต ภวราคานุสยํ นปฺปชหตีติ: รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ นปฺปชหติ โน จ ตโต ภวราคานุสยํ นปฺปชหติ อปริยาปนฺเน ตโต กามราคานุสยญฺจ ปฏิฆานุสยญฺจ นปฺปชหติ ภวราคานุสยญฺจ นปฺปชหติ ฯ ยโต วา ปน ภวราคานุสยํ นปฺปชหติ ตโต กามราคานุสยญฺจ ปฏิฆานุสยญฺจ นปฺปชหตีติ: ทุกฺขาย เวทนาย ตโต ภวราคานุสยญฺจ กามราคานุสยญฺจ นปฺปชหติ โน จ ตโต ปฏิฆานุสยํ นปฺปชหติ กามธาตุยา ทฺวีสุ เวทนาสุ ตโต ภวราคานุสยญฺจ ปฏิฆานุสยญฺจ นปฺปชหติ โน จ ตโต กามราคานุสยํ นปฺปชหติ อปริยาปนฺเน ตโต ภวราคานุสยญฺจ นปฺปชหติ กามราคานุสยญฺจ ปฏิฆานุสยญฺจ นปฺปชหติ ฯ ยโต กามราคานุสยญฺจ ปฏิฆานุสยญฺจ นปฺปชหติ ตโต อวิชฺชานุสยํ นปฺปชหตีติ:๎ รูปธาตุยา อรูปธาตุยา ตโต กามราคานุสยญฺจ ปฏิฆานุสยญฺจ นปฺปชหติ โน จ ตโต อวิชฺชานุสยํ นปฺปชหติ อปริยาปนฺเน ตโต กามราคานุสยญฺจ ปฏิฆานุสยญฺจ นปฺปชหติ อวิชฺชานุสยญฺจ นปฺปชหติ ฯ ยโต วา ปน อวิชฺชานุสยํ นปฺปชหติ ตโต กามราคานุสยญฺจ ปฏิฆานุสยญฺจ นปฺปชหตีติ: อามนฺตา ฯ