[๑๔๐๘] ยโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหติ ตโต อวิชฺชานุสยํ นปฺปชหตีติ: อามนฺตา ฯ ยโต วา ปน อวิชฺชานุสยํ นปฺปชหติ ตโต กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ นปฺปชหตีติ: อามนฺตา ฯ

[๑๔๐๙] โย ยโต กามราคานุสยํ นปฺปชหติ โส ตโต ปฏิฆานุสยํ นปฺปชหตีติ: อนาคามิมคฺคสมงฺคี ทุกฺขาย เวทนาย โส ตโต กามราคานุสยํ นปฺปชหติ โน จ โส ตโต ปฏิฆานุสยํ นปฺปชหติ โสว ปุคฺคโล รูปธาตุยา อรูปธาตุยา อปริยาปนฺเน โส ตโต กามราคานุสยญฺจ นปฺปชหติ ปฏิฆานุสยญฺจ นปฺปชหติ อนาคามิมคฺคสมงฺคึ ฐเปตฺวา อวเสสา ปุคฺคลา สพฺพตฺถ กามราคานุสยญฺจ นปฺปชหติ ปฏิฆานุสยญฺจ นปฺปชหติ ฯ โย วา ปน ยโต ปฏิฆานุสยํ นปฺปชหติ โส ตโต กามราคานุสยํ นปฺปชหตีติ: อนาคามิมคฺคสมงฺคี กามธาตุยา ทฺวีสุ เวทนาสุ โส ตโต ปฏิฆานุสยํ นปฺปชหติ โน จ โส ตโต กามราคานุสยํ นปฺปชหติ โสว ปุคฺคโล รูปธาตุยา อรูปธาตุยา อปริยาปนฺเน โส ตโต ปฏิฆานุสยญฺจ นปฺปชหติ กามราคานุสยญฺจ นปฺปชหติ อนาคามิมคฺคสมงฺคึ ฐเปตฺวา อวเสสา ปุคฺคลา สพฺพตฺถ ปฏิฆานุสยญฺจ นปฺปชหติ กามราคานุสยญฺจ นปฺปชหติ ฯ โย ยโต กามราคานุสยํ นปฺปชหติ โส ตโต มานานุสยํ นปฺปชหตีติ: อคฺคมคฺคสมงฺคี กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต กามราคานุสยํ นปฺปชหติ โน จ โส ตโต มานานุสยํ นปฺปชหติ โสว ปุคฺคโล ทุกฺขาย เวทนาย อปริยาปนฺเน โส ตโต กามราคานุสยญฺจ นปฺปชหติ มานานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ กามราคานุสยญฺจ นปฺปชหนฺติ มานานุสยญฺจ นปฺปชหนฺติ ฯ โย วา ปน ยโต มานานุสยํ นปฺปชหติ โส ตโต กามราคานุสยํ นปฺปชหตีติ: อนาคามิมคฺคสมงฺคี กามธาตุยา ทฺวีสุ เวทนาสุ โส ตโต มานานุสยํ นปฺปชหติ โน จ โส ตโต กามราคานุสยํ นปฺปชหติ โสว ปุคฺคโล ทุกฺขาย เวทนาย รูปธาตุยา อรูปธาตุยา อปริยาปนฺเน โส ตโต มานานุสยญฺจ นปฺปชหติ กามราคานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ มานานุสยญฺจ นปฺปชหนฺติ กามราคานุสยญฺจ นปฺปชหนฺติ ฯ โย ยโต กามราคานุสยํ นปฺปชหติ โส ตโต ทิฏฺฐานุสยํ ฯเปฯ วิจิกิจฺฉานุสยํ นปฺปชหตีติ: อฏฺฐมโก กามธาตุยา ตีสุ เวทนาสุ รูปธาตุยา อรูปธาตุยา โส ตโต กามราคานุสยํ นปฺปชหติ โน จ โส ตโต วิจิกิจฺฉานุสยํ นปฺปชหติ โสว ปุคฺคโล อปริยาปนฺเน โส ตโต กามราคานุสยญฺจ นปฺปชหติ วิจิกิจฺฉานุสยญฺจ นปฺปชหติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ กามราคานุสยญฺจ นปฺปชหนฺติ วิจิกิจฺฉานุสยญฺจ นปฺปชหนฺติ ฯ โย วา ปน ยโต วิจิกิจฺฉานุสยํ นปฺปชหติ โส ตโต กามราคานุสยํ นปฺปชหตีติ: อนาคามิมคฺคสมงฺคี กามธาตุยา ทฺวีสุ เวทนาสุ โส ตโต วิจิกิจฺฉานุสยํ นปฺปชหติ โน จ โส ตโต กามราคานุสยํ นปฺปชหติ โสว ปุคฺคโล ทุกฺขาย เวทนาย รูปธาตุยา อรูปธาตุยา อปริยาปนฺเน โส ตโต วิจิกิจฺฉานุสยญฺจ นปฺปชหติ กามราคานุสยญฺจ นปฺปชหติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ วิจิกิจฺฉานุสยญฺจi นปฺปชหนฺติ กามราคานุสยญฺจ นปฺปชหนฺติ ฯ โย ยโต กามราคานุสยํ นปฺปชหติ โส ตโต ภวราคานุสยํ นปฺปชหตีติ: อคฺคมคฺคสมงฺคี รูปธาตุยา อรูปธาตุยา โส ตโต กามราคานุสยํ นปฺปชหติ โน จ โส ตโต ภวราคานุสยํ นปฺปชหติ โสว ปุคฺคโล กามธาตุยา ตีสุ เวทนาสุ อปริยาปนฺเน โส ตโต กามราคานุสยญฺจ นปฺปชหติ ภวราคานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ กามราคานุสยญฺจ นปฺปชหนฺติ ภวราคานุสยญฺจ นปฺปชหนฺติ ฯ โย วา ปน ยโต ภวราคานุสยํ นปฺปชหติ โส ตโต กามราคานุสยํ นปฺปชหตีติ: อนาคามิมคฺคสมงฺคี กามธาตุยา ทฺวีสุ เวทนาสุ โส ตโต ภวราคานุสยํ นปฺปชหติ โน จ โส ตโต กามราคานุสยํ นปฺปชหติ โสว ปุคฺคโล ทุกฺขาย เวทนาย รูปธาตุยา อรูปธาตุยา อปริยาปนฺเน โส ตโต ภวราคานุสยญฺจ นปฺปชหติ กามราคานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ ภวราคานุสยญฺจ นปฺปชหนฺติ กามราคานุสยญฺจ นปฺปชหนฺติ ฯ โย ยโต กามราคานุสยํ นปฺปชหติ โส ตโต อวิชฺชานุสยํ นปฺปชหตีติ: อคฺคมคฺคสมงฺคี กามธาตุยา ตีสุ เวทนาสุ รูปธาตุยา อรูปธาตุยา โส ตโต กามราคานุสยํ นปฺปชหติ โน จ โส ตโต อวิชฺชานุสยํ นปฺปชหติ โสว ปุคฺคโล อปริยาปนฺเน โส ตโต กามราคานุสยญฺจ นปฺปชหติ อวิชฺชานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ กามราคานุสยญฺจ นปฺปชหนฺติ อวิชฺชานุสยญฺจ นปฺปชหนฺติ ฯ โย วา ปน ยโต อวิชฺชานุสยํ นปฺปชหติ โส ตโต กามราคานุสยํ นปฺปชหตีติ: อนาคามิมคฺคสมงฺคี กามธาตุยา ทฺวีสุ เวทนาสุ โส ตโต อวิชฺชานุสยํ นปฺปชหติ โน จ โส ตโต กามราคานุสยํ นปฺปชหติ โสว ปุคฺคโล ทุกฺขาย เวทนาย รูปธาตุยา อรูปธาตุยา อปริยาปนฺเน โส ตโต อวิชฺชานุสยญฺจ นปฺปชหติ กามราคานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ อวิชฺชานุสยญฺจ นปฺปชหนฺติ กามราคานุสยญฺจ นปฺปชหนฺติ ฯ