[๑๔๑๐] โย ยโต ปฏิฆานุสยํ นปฺปชหติ โส ตโต มานานุสยํ นปฺปชหตีติ: อคฺคมคฺคสมงฺคี กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต ปฏิฆานุสยํ นปฺปชหติ โน จ โส ตโต มานานุสยํ นปฺปชหติ โสว ปุคฺคโล ทุกฺขาย เวทนาย อปริยาปนฺเน โส ตโต ปฏิฆานุสยญฺจ นปฺปชหติ มานานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ ปฏิฆานุสยญฺจ นปฺปชหนฺติ มานานุสยญฺจ นปฺปชหนฺติ ฯ โย วา ปน ยโต มานานุสยํ นปฺปชหติ โส ตโต ปฏิฆานุสยํ นปฺปชหตีติ: อนาคามิมคฺคสมงฺคี ทุกฺขาย เวทนาย โส ตโต มานานุสยํ นปฺปชหติ โน จ โส ตโต ปฏิฆานุสยํ นปฺปชหติ โสว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา อปริยาปนฺเน โส ตโต มานานุสยญฺจ นปฺปชหติ ปฏิฆานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ มานานุสยญฺจ นปฺปชหนฺติ ปฏิฆานุสยญฺจ นปฺปชหนฺติ ฯ โย ยโต ปฏิฆานุสยํ นปฺปชหติ โส ตโต ทิฏฺฐานุสยํ ฯเปฯ วิจิกิจฺฉานุสยํ นปฺปชหตีติ: อฏฺฐมโก กามธาตุยา ตีสุ เวทนาสุ รูปธาตุยา อรูปธาตุยา โส ตโต ปฏิฆานุสยํ นปฺปชหติ โน จ โส ตโต วิจิกิจฺฉานุสยํ นปฺปชหติ โสว ปุคฺคโล อปริยาปนฺเน โส ตโต ปฏิฆานุสยญฺจ นปฺปชหติ วิจิกิจฺฉานุสยญฺจ นปฺปชหติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ ปฏิฆานุสยญฺจ นปฺปชหนฺติ วิจิกิจฺฉานุสยญฺจ นปฺปชหนฺติ ฯ โย วา ปน ยโต วิจิกิจฺฉานุสยํ นปฺปชหติ โส ตโต ปฏิฆานุสยํ นปฺปชหตีติ: อนาคามิมคฺคสมงฺคี ทุกฺขาย เวทนาย โส ตโต วิจิกิจฺฉานุสยํ นปฺปชหติ โน จ โส ตโต ปฏิฆานุสยํ นปฺปชหติ โสว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา อปริยาปนฺเน โส ตโต วิจิกิจฺฉานุสยญฺจ นปฺปชหติ ปฏิฆานุสยญฺจ นปฺปชหติ อนาคามิมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ วิจิกิจฺฉานุสยญฺจ นปฺปชหนฺติ ปฏิฆานุสยญฺจ นปฺปชหนฺติ ฯ โย ยโต ปฏิฆานุสยํ นปฺปชหติ โส ตโต ภวราคานุสยํ นปฺปชหตีติ: อคฺคมคฺคสมงฺคี รูปธาตุยา อรูปธาตุยา โส ตโต ปฏิฆานุสยํ นปฺปชหติ โน จ โส ตโต ภวราคานุสยํ นปฺปชหติ โสว ปุคฺคโล กามธาตุยา ตีสุ เวทนาสุ อปริยาปนฺเน โส ตโต ปฏิฆานุสยญฺจ นปฺปชหติ ภวราคานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ ปฏิฆานุสยญฺจ นปฺปชหนฺติ ภวราคานุสยญฺจ นปฺปชหนฺติ ฯ โย วา ปน ยโต ภวราคานุสยํ นปฺปชหติ โส ตโต ปฏิฆานุสยํ นปฺปชหตีติ: อนาคามิมคฺคสมงฺคี ทุกฺขาย เวทนาย โส ตโต ภวราคานุสยํ นปฺปชหติ โน จ โส ตโต ปฏิฆานุสยํ นปฺปชหติ โสว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา อปริยาปนฺเน โส ตโต ภวราคานุสยญฺจ นปฺปชหติ ปฏิฆานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ ภวราคานุสยญฺจ นปฺปชหนฺติ ปฏิฆานุสยญฺจ นปฺปชหนฺติ ฯ โย ยโต ปฏิฆานุสยํ นปฺปชหติ โส ตโต อวิชฺชานุสยํ นปฺปชหตีติ: อคฺคมคฺคสมงฺคี กามธาตุยา ตีสุ เวทนาสุ รูปธาตุยา อรูปธาตุยา โส ตโต ปฏิฆานุสยํ นปฺปชหติ โน จ โส ตโต อวิชฺชานุสยํ นปฺปชหติ โสว ปุคฺคโล อปริยาปนฺเน โส ตโต ปฏิฆานุสยญฺจ นปฺปชหติ อวิชฺชานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ ปฏิฆานุสยญฺจ นปฺปชหนฺติ อวิชฺชานุสยญฺจ นปฺปชหนฺติ ฯ โย วา ปน ยโต อวิชฺชานุสยํ นปฺปชหติ โส ตโต ปฏิฆานุสยํ นปฺปชหตีติ: อนาคามิมคฺคสมงฺคี ทุกฺขาย เวทนาย โส ตโต อวิชฺชานุสยํ นปฺปชหติ โน จ โส ตโต ปฏิฆานุสยํ นปฺปชหติ โสว ปุคฺคโล กามธาตุยา ทฺวีสุ เวทนาสุ รูปธาตุยา อรูปธาตุยา อปริยาปนฺเน โส ตโต อวิชฺชานุสยญฺจ นปฺปชหติ ปฏิฆานุสยญฺจ นปฺปชหติ ทฺวินฺนํ มคฺคสมงฺคีนํ ฐเปตฺวา อวเสสา ปุคฺคลา สพฺพตฺถ อวิชฺชานุสยญฺจ นปฺปชหนฺติ ปฏิฆานุสยญฺจ นปฺปชหนฺติ ฯ