[๑๔๑๑] โย ยโต มานานุสยํ นปฺปชหติ โส ตโต ทิฏฺฐานุสยํ ฯเปฯ วิจิกิจฺฉานุสยํ นปฺปชหตีติ: อฏฺฐมโก กามธาตุยา ตีสุ เวทนาสุ รูปธาตุยา อรูปธาตุยา โส ตโต มานานุสยํ นปฺปชหติ โน จ โส ตโต วิจิกิจฺฉานุสยํ นปฺปชหติ โสว ปุคฺคโล อปริยาปนฺเน โส ตโต มานานุสยญฺจ นปฺปชหติ วิจิกิจฺฉานุสยญฺจ นปฺปชหติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ มานานุสยญฺจ นปฺปชหนฺติ วิจิกิจฺฉานุสยญฺจ นปฺปชหนฺติ ฯ โย วา ปน ยโต วิจิกิจฺฉานุสยํ นปฺปชหติ โส ตโต มานานุสยํ นปฺปชหตีติ: อคฺคมคฺคสมงฺคี กามธาตุยา ทฺวีสุ เวทนาสุ รูปธาตุยา อรูปธาตุยา โส ตโต วิจิกิจฺฉานุสยํ นปฺปชหติ โน จ โส ตโต มานานุสยํ นปฺปชหติ โสว ปุคฺคโล ทุกฺขาย เวทนาย อปริยาปนฺเน โส ตโต วิจิกิจฺฉานุสยญฺจ นปฺปชหติ มานานุสยญฺจ นปฺปชหติ อคฺคมคฺคสมงฺคิญฺจ อฏฺฐมกญฺจ ฐเปตฺวา อวเสสา ปุคฺคลา สพฺพตฺถ วิจิกิจฺฉานุสยญฺจ นปฺปชหนฺติ มานานุสยญฺจ นปฺปชหนฺติ ฯ โย ยโต มานานุสยํ นปฺปชหติ โส ตโต ภวราคานุสยํ นปฺปชหตีติ: อามนฺตา ฯ โย วา ปน ยโต ภวราคานุสยํ นปฺปชหติ โส ตโต มานานุสยํ นปฺปชหตีติ: อคฺคมคฺคสมงฺคี กามธาตุยา ทฺวีสุ เวทนาสุ โส ตโต ภวราคานุสยํ นปฺปชหติ โน จ โส ตโต มานานุสยํ นปฺปชหติ โสว ปุคฺคโล ทุกฺขาย เวทนาย อปริยาปนฺเน โส ตโต ภวราคานุสยญฺจ นปฺปชหติ มานานุสยญฺจ นปฺปชหติ อคฺคมคฺคสมงฺคึ ฐเปตฺวา อวเสสา ปุคฺคลา สพฺพตฺถ ภวราคานุสยญฺจ นปฺปชหนฺติ มานานุสยญฺจ นปฺปชหนฺติ ฯ โย ยโต มานานุสยํ นปฺปชหติ โส ตโต อวิชฺชานุสยํ นปฺปชหตีติ: อคฺคมคฺคสมงฺคี ทุกฺขาย เวทนาย โส ตโต มานานุสยํ นปฺปชหติ โน จ โส ตโต อวิชฺชานุสยํ นปฺปชหติ โสว ปุคฺคโล อปริยาปนฺเน โส ตโต มานานุสยญฺจ นปฺปชหติ อวิชฺชานุสยญฺจ นปฺปชหติ อคฺคมคฺคสมงฺคึ ฐเปตฺวา อวเสสา ปุคฺคลา สพฺพตฺถ มานานุสยญฺจ นปฺปชหนฺติ อวิชฺชานุสยญฺจ นปฺปชหนฺติ ฯ โย วา ปน ยโต อวิชฺชานุสยํ นปฺปชหติ โส ตโต มานานุสยํ นปฺปชหตีติ: อามนฺตา ฯ