[๑๔๒๔] โย วิจิกิจฺฉานุสยํ ปริชานาติ โส ภวราคานุสยํ ฯเปฯ อวิชฺชานุสยํ ปริชานาตีติ: ตเทกฏฺฐํ ปริชานาติ ฯ โย วา ปน อวิชฺชานุสยํ ปริชานาติ โส วิจิกิจฺฉานุสยํ ปริชานาตีติ: โน ฯ

[๑๔๒๕] โย ภวราคานุสยํ ปริชานาติ โส อวิชฺชานุสยํ ปริชานาตีติ: อามนฺตา ฯ โย วา ปน อวิชฺชานุสยํ ปริชานาติ โส ภวราคานุสยํ ปริชานาตีติ: อามนฺตา ฯ

[๑๔๒๖] โย กามราคานุสยญฺจ ปฏิฆานุสยญฺจ ปริชานาติ โส มานานุสยํ ปริชานาตีติ: ตเทกฏฺฐํ ปริชานาติ ฯ โย วา ปน มานานุสยํ ปริชานาติ โส กามราคานุสยญฺจ ปริฆานุสยญฺจ ปริชานาตีติ: โน ฯ โย กามราคานุสยญฺจ ปฏิฆานุสยญฺจ ปริชานาติ โส ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: โน ฯ โย วา ปน วิจิกิจฺฉานุสยํ ปริชานาติ โส กามราคานุสยญฺจ ปฏิฆานุสยญฺจ ปริชานาตีติ: ตเทกฏฺฐํ ปริชานาติ ฯ โย กามราคานุสยญฺจ ปฏิฆานุสยญฺจ ปริชานาติ โส ภวราคานุสยํ ฯเปฯ อวิชฺชานุสยํ ปริชานาตีติ: ตเทกฏฺฐํ ปริชานาติ ฯ โย วา ปน อวิชฺชานุสยํ ปริชานาติ โส กามราคานุสยญฺจ ปฏิฆานุสยญฺจ ปริชานาตีติ: โน ฯ

[๑๔๒๗] โย กามราคานุสยญฺจ ปฏิฆานุสยญฺจ มานานุสยญฺจ ปริชานาติ โส ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: นตฺถิ ฯ โย วา ปน วิจิกิจฺฉานุสยํ ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ปริชานาตีติ: ตเทกฏฺฐํ ปริชานาติ ฯ โย กามราคานุสยญฺจ ปฏิฆานุสยญฺจ มานานุสยญฺจ ปริชานาติ โส ภวราคานุสยํ ฯเปฯ อวิชฺชานุสยํ ปริชานาตีติ: นตฺถิ ฯ โย วา ปน อวิชฺชานุสยํ ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ปริชานาตีติ: มานานุสยํ ปริชานาติ ฯ