[๑๔๒๘] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปริชานาติ โส วิจิกิจฺฉานุสยํ ปริชานาตีติ: นตฺถิ ฯ โย วา ปน วิจิกิจฺฉานุสยํ ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ ปริชานาตีติ: ทิฏฺฐานุสยํ ปริชานาติ กามราคานุสยญฺจ ปฏิฆานุสยญฺจ มานานุสยญฺจ ตเทกฏฺฐํ ปริชานาติ ฯเปฯ
[๑๔๒๙] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปริชานาติ โส ภวราคานุสยํ ฯเปฯ อวิชฺชานุสยํ ปริชานาตีติ: นตฺถิ ฯ โย วา ปน อวิชฺชานุสยํ ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ปริชานาตีติ: มานานุสยํ ปริชานาติ ฯ
[๑๔๓๐] โย กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปริชานาติ โส อวิชฺชานุสยํ ปริชานาตีติ: นตฺถิ ฯ โย วา ปน อวิชฺชานุสยํ ปริชานาติ โส กามราคานุสยญฺจ ปฏิฆานุสยญฺจ มานานุสยญฺจ ทิฏฺฐานุสยญฺจ วิจิกิจฺฉานุสยญฺจ ภวราคานุสยญฺจ ปริชานาตีติ: มานานุสยญฺจ ภวราคานุสยญฺจ ปริชานาติ ฯ
[๑๔๓๑] ยโต กามราคานุสยํ ปริชานาติ ตโต ปฏิฆานุสยํ ปริชานาตีติ: โน ฯ ยโต วา ปน ปฏิฆานุสยํ ปริชานาติ ตโต กามราคานุสยํ ปริชานาตีติ: โน ฯ ยโต กามราคานุสยํ ปริชานาติ ตโต มานานุสยํ ปริชานาตีติ: อามนฺตา ฯ ยโต วา ปน มานานุสยํ ปริชานาติ ตโต กามราคานุสยํ ปริชานาตีติ: รูปธาตุยา อรูปธาตุยา ตโต มานานุสยํ ปริชานาติ โน จ ตโต กามราคานุสยํ ปริชานาติ กามธาตุยา ทฺวีสุ เวทนาสุ ตโต มานานุสยญฺจ ปริชานาติ กามราคานุสยญฺจ ปริชานาติ ฯ ยโต กามราคานุสยํ ปริชานาติ ตโต ทิฏฺฐานุสยํ ฯเปฯ วิจิกิจฺฉานุสยํ ปริชานาตีติ: อามนฺตา ฯ ยโต วา ปน วิจิกิจฺฉานุสยํ ปริชานาติ ตโต กามราคานุสยํ ปริชานาตีติ: ทุกฺขาย เวทนาย รูปธาตุยา อรูปธาตุยา ตโต วิจิกิจฺฉานุสยํ ปริชานาติ โน จ ตโต กามราคานุสยํ ปริชานาติ กามธาตุยา ทฺวีสุ เวทนาสุ ตโต วิจิกิจฺฉานุสยญฺจ ปริชานาติ กามราคานุสยญฺจ ปริชานาติ ฯ ยโต กามราคานุสยํ ปริชานาติ ตโต ภวราคานุสยํ ปริชานาตีติ: โน ฯ ยโต วา ปน ภวราคานุสยํ ปริชานาติ ตโต กามราคานุสยํ ปริชานาตีติ: โน ฯ ยโต กามราคานุสยํ ปริชานาติ ตโต อวิชฺชานุสยํ ปริชานาตีติ: อามนฺตา ฯ ยโต วา ปน อวิชฺชานุสยํ ปริชานาติ ตโต กามราคานุสยํ ปริชานาตีติ: ทุกฺขาย เวทนาย รูปธาตุยา อรูปธาตุยา ตโต อวิชฺชานุสยํ ปริชานาติ โน จ ตโต กามราคานุสยํ ปริชานาติ กามธาตุยา ทฺวีสุ เวทนาสุ ตโต อวิชฺชานุสยญฺจ ปริชานาติ กามราคานุสยญฺจ ปริชานาติ ฯ